မန္တလေးတိုင်းဒေသကြီး၊ ညောင်ဦးမြို့နယ်၊ အမှတ်(၅)ရပ်ကွက်၌ သစ်ပင်လဲကျပြီး စာကြည့်တိုက်နှင့် စတိုဆောင်ပေါ်သို့ ပိမိမှုဖြစ်ပွားသဖြင့် ရှင်းလင်းရေးလုပ်ငန်းများ ဆောင်ရွက်မှု

မန္တလေးတိုင်းဒေသကြီး၊ ညောင်ဦးမြို့နယ်၊ အမှတ်(၅)ရပ်ကွက်၌ သစ်ပင်လဲကျပြီး စာကြည့်တိုက်နှင့် စတိုဆောင်ပေါ်သို့ ပိမိမှုဖြစ်ပွားသဖြင့် ရှင်းလင်းရေးလုပ်ငန်းများ ဆောင်ရွက်မှု

     ၂၀၂၆ ခုနှစ်၊ ဧပြီ ၂၂ ရက် မွန်းတည့် ၁၂ နာရီခန့်က မန္တလေးတိုင်းဒေသကြီး၊ ညောင်ဦးမြို့နယ်၊ အမှတ်(၅)ရပ်ကွက်၌ လေပြင်းတိုက်ခတ်ခဲ့မှုကြောင့် လုံးပတ် ၅ ပေ၊ အမြင့် ၃၅ ပေခန့်ရှိ ထနောင်းပင်သည် အမြစ်လန်၍ လဲကျပြီး “ဇောတိပါလ” ပရဟိတကျောင်းအတွင်းရှိ စာကြည့်တိုက်နှင့် စတိုဆောင်ပေါ်သို့ ပိမိနေကြောင်း သတင်းရရှိသဖြင့် ညောင်ဦးခရိုင်၊ မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် ရှင်းလင်းရေးလုပ်ငန်းများ ဆောင်ရွက်ခဲ့ရာ မွန်းလွဲ ၂ နာရီတွင် ပြီးစီးခဲ့ပြီး အဆိုပါဖြစ်စဉ်ကြောင့် စာကြည့်တိုက်အမိုးအနည်းငယ် ပျက်စီးခဲ့ကြောင်းနှင့် လူထိခိုက်ဒဏ်ရာရရှိမှု မရှိကြောင်း သတင်းရရှိပါသည်။