မန္တလေးတိုင်းဒေသကြီး၊ ဝမ်းတွင်းမြို့နယ်၊ အမှတ်(၂)ရပ်ကွက်၌ “မြသုံးလုံး” အထည်အရောင်းပြခန်း မီးလောင်မှု

မန္တလေးတိုင်းဒေသကြီး၊ ဝမ်းတွင်းမြို့နယ်၊ အမှတ်(၂)ရပ်ကွက်၌ “မြသုံးလုံး” အထည်အရောင်းပြခန်း မီးလောင်မှု

     ၂၀၂၆ ခုနှစ်၊ ဧပြီ ၃ ရက် နံနက် ၀၀ နာရီ ၁၀ မိနစ်ခန့်က မန္တလေးတိုင်းဒေသကြီး၊ ဝမ်းတွင်းမြို့နယ်၊ အမှတ်(၂)ရပ်ကွက်ရှိ ပိုင်ရှင် ဦးမင်းသိန်း(၅၇)နှစ်၏ ၂၀ x ၃၀ ပေ၊ သွပ်မိုး၊ နံကပ် တစ်ထပ် “မြသုံးလုံး” အထည်အရောင်းပြခန်းအတွင်း တပ်ဆင်ထားသော Solar Control Panel မှ အပူချိန်လွန်ကဲပြီး အနီးရှိ အထည်များပေါ်သို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ဝမ်းတွင်းမြို့နယ်မီးသတ်စခန်းနှင့် သဲတောနယ်မြေမီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် ခြောက်စီးဖြင့် မီးငြှိမ်းသတ်ခဲ့ရာ နံနက် ၀၀ နာရီ ၂၄ မိနစ်တွင် မီးငြိမ်းခဲ့ပါသည်။

     အဆိုပါ မီးလောင်မှုကြောင့် ၂၀ x ၃၀ ပေ၊ သွပ်မိုး၊ နံကပ် တစ်ထပ် “မြသုံးလုံး” အထည်အရောင်းပြခန်း တစ်ခန်း၊ ပုဆိုးနှင့်လုံချည် အထည် ၃၀၀ ခန့် မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးမင်းသိန်း အား ဝမ်းတွင်းမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။