မန္တလေးတိုင်းဒေသကြီး၊ ချမ်းအေးသာစံမြို့နယ်၊ ကဉ္ဇနမဟီရပ်ကွက်၌ ကြွေပြားဆိုင် မီးလောင်မှု

မန္တလေးတိုင်းဒေသကြီး၊ ချမ်းအေးသာစံမြို့နယ်၊ ကဉ္ဇနမဟီရပ်ကွက်၌ ကြွေပြားဆိုင် မီးလောင်မှု

     ၂၀၂၆ ခုနှစ်၊ ဧပြီ ၂၅ ရက် နံနက် ၁ နာရီ ၁၈ မိနစ်ခန့်က မန္တလေးတိုင်းဒေသကြီး၊ ချမ်းအေးသာစံမြို့နယ်၊ ကဉ္ဇနမဟီရပ်ကွက်၌ ပိုင်ရှင် ဒေါ်ဒေလီယာ(၄၅)နှစ်၏ ၂၀ x ၄၀ ပေ၊ RC လေးထပ် အဆောက်အအုံ၏ ပထမထပ်ရှိ “Golden Stone” ကြွေပြားဆိုင်တွင် တပ်ဆင်ထားသော ဆိုလာဘက်ထရီ အဝင်ကြိုး အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ချမ်းအေးသာစံမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ခုနစ်စီးဖြင့် မီးငြှိမ်းသတ်ခဲ့ရာ နံနက် ၁ နာရီ ၅၃ မိနစ်တွင် မီးငြိမ်းခဲ့ပါသည်။

     အဆိုပါ မီးလောင်မှုကြောင့် လစ်သီယမ်ဆိုလာဘက်ထရီ တစ်လုံးနှင့် အဲယားကွန်း Indoor တစ်လုံး မီးလောင်ဆုံးရှုံးခဲ့ကြောင်းနှင့် ပိုင်ရှင် ဒေါ်ဒေလီယာ အား ချမ်း အေးသာစံမြို့နယ်၊ အမှတ်(၈)မြို့မရဲစခန်းမှ အမှုဖွင့် အရေးယူထားကြောင်း သတင်းရရှိပါသည်။