မန္တလေးတိုင်းဒေသကြီး၊ ပြင်ဦးလွင်မြို့နယ်၌ ၂၂ ဘီး မော်တော်ယာဉ်နှင့် မော်တော်ဆိုင်ကယ်တို့ တိုက်မိမှုဖြစ်ပွား၍ အမျိုးသား တစ်ဦး သေဆုံး

မန္တလေးတိုင်းဒေသကြီး၊ ပြင်ဦးလွင်မြို့နယ်၌ ၂၂ ဘီး မော်တော်ယာဉ်နှင့် မော်တော်ဆိုင်ကယ်တို့ တိုက်မိမှုဖြစ်ပွား၍ အမျိုးသား တစ်ဦး သေဆုံး

    ၂၀၂၅ ခုနှစ်၊ စက်တင်ဘာ ၁၄ ရက်က မန္တလေးတိုင်းဒေသကြီး၊ ပြင်ဦးလွင်မြို့နယ်၌ ၂၂ ဘီး မော်တော်ယာဉ်နှင့် မော်တော်ဆိုင်ကယ်တို့ တိုက်မိမှုဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။
    ဖြစ်စဉ်မှာ စက်တင်ဘာ ၁၄ ရက် မွန်းလွဲ ၁ နာရီ ၃၀ မိနစ်တွင် မန္တလေးတိုင်းဒေသကြီး၊ ပြင်ဦးလွင်မြို့နယ်၊ ဒေသအခေါ် ဆင်ခေါင်းလေးကျေးရွာ၊ ထင်းရှူးတောအနီး မြို့ရှောင်လမ်း၌ ယာဉ်တိုက်မှုဖြစ်ပွားကြောင်း သတင်းအရ ပြင်ဦးလွင်မြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ လားရှိုးမြို့မှ မန္တလေးမြို့သို့ မန္တလေးတိုင်းဒေသကြီး၊ ပုသိမ်ကြီးမြို့နယ်၊ ထုံးဘို ကျေးရွာနေ သော်ဇင်အောင်(ခ)သော်ကြီး(၃၁)နှစ် မောင်းနှင်လာသည့် MDY-14/5M-XXXX SINO TRUCK ၂၂ ဘီး မော်တော်ယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ တစ်ဖက်ယာဉ်ကြောသို့ ရောက်ရှိကာ မျက်နှာချင်းဆိုင်မှ မန္တလေးတိုင်းဒေသကြီး၊ ချမ်းမြသာစည်မြို့နယ်၊ ကန်သာယာမြို့သစ်နေ ဘုန်းထက်နိုင်(၁၉)နှစ် မောင်းနှင်လာသည့် MDY/77W-XXXX FZ-150 မော်တော် ဆိုင်ကယ်အား ဝင်ရောက်တိုက်မိ၍ ဘုန်းထက်နိုင်တွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့သဖြင့် သော်ဇင်အောင်(ခ)သော်ကြီး အား ပြင်ဦးလွင်မြို့မရဲစခန်း ယာဉ်(ပ)၇/၂၀၂၅၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။