မိတ္ထီလာမြို့နယ်အတွင်း Football For School Program ဆိုင်ရာ လုပ်ငန်းဆောင်ရွက်နေမှု ကြည့်ရှုစစ်ဆေး

မိတ္ထီလာမြို့နယ်အတွင်း Football For School Program ဆိုင်ရာ လုပ်ငန်းဆောင်ရွက်နေမှု ကြည့်ရှုစစ်ဆေး

နေပြည်တော် မေ ၂၀

အားကစားရေးရာဝန်ကြီးဌာန ပြည်ထောင်စုဝန်ကြီး ဦးရဲမြင့်ထွန်းသည် ယနေ့နံနက်ပိုင်းတွင် မန္တလေးတိုင်းဒေသကြီး မိတ္ထီလာမြို့နယ် အားကစားကွင်း၌ ဘောလုံး၊ ကြက်တောင်နှင့် တင်းနစ်သင်တန်းသား သင်တန်းသူများကို အားကစားနည်းအလိုက် နည်းစနစ်ပိုင်းဆိုင်ရာ သင်ကြားလေ့ကျင့်ပေးနေမှု၊ Football For School Program ဆိုင်ရာလုပ်ငန်းများကို Pilot Project တစ်ခုအဖြစ် အကောင်အထည်ဖော်ဆောင်ရွက်နေမှုတို့ကို ကြည့်ရှုစစ်ဆေးသည်။

ထို့နောက် အားကစားအဖွဲ့များအတွက် အင်အားဖြည့်အချိုရည်များ ထောက်ပံ့ပေးအပ်ပြီး လူငယ်အားကစားသမားများ မွေးထုတ်ပေးနိုင်ရေးနှင့် အခြေခံပညာကျောင်းများတွင် အားကစားသင်တန်းများ ဖွင့်လှစ်သင်ကြားလေ့ကျင့်ပေးနိုင်ရေးတို့နှင့်စပ်လျဉ်း၍ မှာကြားသည်။

ပေးအပ်

ယင်းနောက် မိတ္ထီလာခရိုင်အားကစားကွင်း၌ Synthetic ပြေးလမ်းခင်းကျင်းပြီးစီးမှုအခြေအနေ၊ ခရိုင်ဘောလုံးကွင်းနှင့် မိုးလုံလေလုံအားကစားရုံတို့ကို ကြည့်ရှုစစ်ဆေးပြီး ခရိုင်အားကစားနှင့်ကာယပညာဦးစီးဌာနရုံး၌ အရာထမ်း၊ အမှုထမ်းများအား တွေ့ဆုံအမှာစကားပြောကြားကာ ပံ့ပိုးပစ္စည်းများပေးအပ်ခဲ့ကြောင်း သိရသည်။

သတင်းစဉ်