မော်လမြိုင်မြို့နယ် သမဝါယမအသင်းစုလီမိတက် နှစ်ပတ်လည်အရပ်ရပ်ဆိုင်ရာ အစည်းအဝေးကျင်းပ

မော်လမြိုင်မြို့နယ် သမဝါယမအသင်းစုလီမိတက် နှစ်ပတ်လည်အရပ်ရပ်ဆိုင်ရာ အစည်းအဝေးကျင်းပ

မော်လမြိုင် ဇန်နဝါရီ ၂၈

မွန်ပြည်နယ်၊ မော်လမြိုင်မြို့နယ်သမဝါယမအသင်းစု လီမိတက်၏ ၂၀၂၃-၂၀၂၄ နှင့် ၂ဝ၂၄-၂၀၂၅ ဘဏ္ဍာရေးနှစ်အတွက် နှစ်ပတ်လည်အရပ်ရပ်ဆိုင်ရာ အစည်းအဝေးကို မြို့နယ်သမဝါယမအသင်းစုရုံး အစည်းအဝေးခန်းမ၌ ကျင်းပသည်။

အစည်းအဝေးတွင် သဘာပတိမြို့နယ်သမဝါယမအသင်းစုဥက္ကဋ္ဌ ဦးတင်ထွန်းက အမှာစကားပြောကြားပြီး၊ ပြည်နယ်သမဝါယမဦးစီးဌာန၊ ဒုတိယညွှန်ကြားရေးမှူး ဦးသန်းနိုင်က အစည်းအဝေးကျင်းပရခြင်း၏ရည်ရွယ်ချက်၊ သမဝါယမအသင်းများက လုပ်ငန်းဆောင်ရွက်ရာ တွင် အသင်းဥပဒေ၊ နည်းဥပဒေနှင့်အညီ ဆောင်ရွက်ရေးနှင့် မွန်ပြည်နယ် သမဝါယမအသင်း စုချုပ်ဥက္ကဋ္ဌ ဦးစိုးတင့်မှ သမဝါယမလုပ်ငန်းများဖွံ့ဖြိုးရေးအတွက် သမဝါယမအသင်းအဆင့်ဆင့် ပူးပေါင်းဆောင်ရွက်နိုင်ရေးကိစ္စများအား ရှင်းလင်းပြောကြားသည်။

ထို့နောက် မြို့နယ်သမဝါယမအသင်းစု အမှုဆောင်အဖွဲ့၏ လုပ်ငန်းအစီရင်ခံစာ၊ ဘဏ္ဍာရေးရှင်းတမ်းနှင့် ရှေ့လုပ်ငန်းစဉ်များအား အသင်းအမှုဆောင်အဖွဲ့မှ ဖတ်ကြားရှင်းလင်း တင်ပြ၍ တက်ရောက်လာသည့် အသင်းဝင်ကိုယ်စားလှယ်များရှေ့မှောက်တွင် အတည်ပြုချက် များရယူဆောင်ရွက်ခဲ့ပြီး အသင်းဝင်ကိုယ်စားလှယ်များအား ရင်းနှီးငွေပေါ်အကျိုးအမြတ် ခွဲဝေ ပေးခြင်း ဆောင်ရွက်ခဲ့ကြောင်း သိရသည်။

ခင်စန်းမြင့်

မွန်ပြည်နယ်