ရန်ကုန်တိုင်းဒေသကြီး၊ မှော်ဘီမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးပြီး အမျိုးသမီး တစ်ဦး ဒဏ်ရာရရှိ

ရန်ကုန်တိုင်းဒေသကြီး၊ မှော်ဘီမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးပြီး အမျိုးသမီး တစ်ဦး ဒဏ်ရာရရှိ

     ၂၀၂၅ ခုနှစ်၊ ဒီဇင်ဘာ ၃၁ ရက်က ရန်ကုန်တိုင်းဒေသကြီး၊ မှော်ဘီမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးသေဆုံးပြီး အမျိုးသမီး တစ်ဦး ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဒီဇင်ဘာ ၃၁ ရက် မွန်းလွဲ ၁၂ နာရီ ၅၅ မိနစ်တွင် မှော်ဘီမြို့နယ်၊ သန္ဓေပင်ကျေးရွာအနီး ရန်ကုန်-ပြည်လမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၆၄)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါလမ်းအတိုင်း မှော်ဘီမှ ထောက်ကြန့်သို့ အောင်ကိုကိုထက်(၃၄)နှစ် မောင်းနှင်လာသော YGN-19၊ GG/XXXX TOYOTA SUCCED ယာဉ်သည် မိုင်တိုင်အမှတ် ၂၄ မိုင် ၀ ဖာလုံနှင့် ၁ ဖာလုံကြားအရောက်၌ လမ်းဝဲဘက်ရှိ မင်္ဂလာလမ်းသွယ်အတွင်းသို့ ချိုးကွေ့မောင်းနှင်စဉ် အရှိန်မထိန်းနိုင်ဘဲ မျက်နှာချင်းဆိုင်ဘက်မှ သီဟန်မင်း မောင်းနှင်လာသည့် YGN-41၊ 4H/XXXX CIVIL LAIV(YBS-91) ခရီးသည်တင်ယာဉ်အား ဝင်ရောက်တိုက်မိခဲ့သဖြင့် အောင်ကိုကိုထက်တွင် ဒဏ်ရာများရရှိကာ သေဆုံးသွားခဲ့ပြီး၊ YBS-91 ခရီးသည်တင်ယာဉ်ပေါ်ပါ မှော်ဘီမြို့နယ်၊ တိုးချဲ့(၂)ရပ်ကွက်နေ ဒေါ်နီနီချစ်(၆၃)နှစ်တွင် ဒဏ်ရာများရရှိခဲ့သောကြောင့် အောင်ကိုကိုထက် အား မှော်ဘီမြို့မရဲစခန်း ယာဉ်(ပ)၃၃/၂၀၂၅၊ ရာဇသတ်ကြီးပုဒ်မ ၃၀၄-က/၃၃၇/၂၇၉ ဖြင့် အမှုဖွင့်အ ရေးယူထားကြောင်း သတင်းရရှိပါသည်။