ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ယုဇနပလာဇာဈေး၌ မီးဘေးအန္တရာယ် ကြိုတင်ကာကွယ်ရေးလုပ်ငန်းများ စစ်ဆေးဆောင်ရွက်မှု

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ယုဇနပလာဇာဈေး၌ မီးဘေးအန္တရာယ် ကြိုတင်ကာကွယ်ရေးလုပ်ငန်းများ စစ်ဆေးဆောင်ရွက်မှု

   ၂၀၂၆ ခုနှစ်၊ ဖေဖော်ဝါရီ ၂၇ ရက် မွန်းတည့် ၁၂ နာရီခန့်က ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်ရှိ ယုဇနပလာဇာဈေး၌ မီးဘေးလုံခြုံရေးနှင့် မီးဘေးကြိုတင်ကာကွယ်ရေး၊ မီးငြှိမ်းသတ်ရေးအတွက် ရန်ကုန်တိုင်းဒေသကြီးမီးသတ်စခန်းမှ မီးသတ်ဦးစီးမှူး ဦးဆောင်သော မီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့်ပူးပေါင်း၍ မီးဘေးအန္တရာယ် ကြိုတင် ကာကွယ်ရေး အသိပညာပေးခြင်း၊ လက်တွေ့မီးငြှိမ်းသတ်ခြင်း၊ ဈေးအတွင်း မီးဘေးလုံခြုံရေး ပစ္စည်းများ ထားရှိခြင်းနှင့် ဈေးဆိုင်ခန်းများအား မီးဘေးလုံခြုံရေး စစ်ဆေးခြင်းများ ဆောင်ရွက်ခဲ့ပြီး ဈေးသူဈေးသားများနှင့် ဝန်ထမ်းများအား အရေးပေါ် မီးသတ်ဆေးဘူး အသုံးပြုနည်း၊ မီးငြှိမ်းသတ်နည်းများအား လက်တွေ့သရုပ်ပြလေ့ကျင့်ခြင်းနှင့် 191 Report Mobile Application အသုံးပြုနည်းအား ရှင်းလင်းပြသခြင်းများ ဆောင်ရွက်ခဲ့ကြောင်း သတင်းရရှိပါသည်။