ရှမ်းပြည်နယ်၊ ကျေးသီးမြို့နယ်၌ ခြောက်ကောင် အန်စာတုံး ကြိုးဆွဲလောင်းကစား ပြုလုပ်သူ အမျိုးသား တစ်ဦးနှင့် အမျိုးသမီး တစ်ဦးအား ဖမ်းဆီးအရေးယူ

ရှမ်းပြည်နယ်၊ ကျေးသီးမြို့နယ်၌ ခြောက်ကောင် အန်စာတုံး ကြိုးဆွဲလောင်းကစား ပြုလုပ်သူ အမျိုးသား တစ်ဦးနှင့် အမျိုးသမီး တစ်ဦးအား ဖမ်းဆီးအရေးယူ

     ရှမ်းပြည်နယ်၊ ကျေးသီးမြို့နယ်၌ ဒီဇင်ဘာ ၂၇ ရက်က ခြောက်ကောင် အန်စာတုံး ကြိုးဆွဲ လောင်းကစား ပြုလုပ်သူ အမျိုးသား တစ်ဦးနှင့် အမျိုးသမီး တစ်ဦးအား ဖမ်းဆီး အရေးယူထားကြောင်း သတင်းရရှိသည်။

     ဖြစ်စဉ်မှာ ဒီဇင်ဘာ ၂၇ ရက် မွန်းလွဲ ၃ နာရီ ၃၀ မိနစ်တွင် ရှမ်းပြည်နယ်၊ ကျေးသီးမြို့နယ်၊ မိုင်းနောင်မြို့၊ နားလင်လိုင်ကျေးရွာအနီး မိုင်းနောင်-ကျေးသီးကားလမ်းဘေး၌ လောင်းကစားပြုလုပ် နေကြောင်း သတင်းအရ မိုင်းနောင်နယ်မြေရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ နားလင်လိုင်ကျေးရွာနေ စိုင်းပေါထိလှ(၃၅)နှစ်နှင့် မိုင်းရှူးမြို့၊ အမှတ်(၂) ရပ်ကွက်နေ မနန်းထွေးခမ်း(၁၉)နှစ် တို့နှစ်ဦးအား ခြောက်ကောင်အန်စာတုံး ကြိုးဆွဲလောင်းကစား ပြုလုပ်ရာတွင် အသုံးပြုသည့် ဆက်စပ်ပစ္စည်းများ၊ လောင်းကြေးငွေများနှင့်အတူ တွေ့ရှိဖမ်းဆီးရမိခဲ့သဖြင့် စိုင်းပေါထိလှနှင့် နန်းထွေးခမ်း တို့နှစ်ဦးအား မိုင်းနောင်နယ်မြေရဲစခန်း (ပ)၂၃/၂၀၂၅၊ လောင်းကစားဥပဒေပုဒ်မ ၁၅(က) ဖြင့် အမှုဖွင့်အရေးယူထားကြောင်း သတင်းရရှိသည်။