ရှမ်းပြည်နယ်၊ တာချီလိတ်မြို့၊ ဝမ်ကောင်းရပ်ကွက်၌ နေအိမ် မီးလောင်မှု

ရှမ်းပြည်နယ်၊ တာချီလိတ်မြို့၊ ဝမ်ကောင်းရပ်ကွက်၌ နေအိမ် မီးလောင်မှု

     ၂၀၂၅ ခုနှစ်၊ ဩဂုတ် ၄ ရက် နံနက် ၇ နာရီ ၁၅ မိနစ်ခန့်က ရှမ်းပြည်နယ်၊ တာချီလိတ်မြို့၊ ဝမ်ကောင်းရပ်ကွက်ရှိ ပိုင်ရှင် ဦးလော့ဂျယ်၏ ၄၀ x ၂၀ ပေ၊ သွပ်မိုး၊ ထရံကာ တစ်ထပ် နေအိမ်၌ ယာယီသွယ်တန်းထားသော မီးပလပ်ခုံအပူလွန်ကဲပြီး အနီးရှိ အိပ်ရာမှတစ်ဆင့် မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် တာချီလိတ်ခရိုင်/မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ငါးစီးဖြင့် မီးငြှိမ်းသတ်ခဲ့ရာ နံနက် ၈ နာရီ ၅ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၄၀ x ၂၀ ပေ၊ သွပ်မိုး၊ ထရံကာ တစ်ထပ် နေအိမ် တစ်လုံး၊ ၃၀ x ၃၀ ပေ၊ သွပ်မိုး၊ ထရံကာ တစ်ထပ် နေအိမ် တစ်လုံး စုစုပေါင်း နေအိမ် နှစ်လုံး မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးလော့ဂျယ် အား တာချီလိတ်မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။