ရှမ်းပြည်နယ်၊ တောင်ကြီးမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသား လေးဦး ထိခိုက် ဒဏ်ရာရရှိ

ရှမ်းပြည်နယ်၊ တောင်ကြီးမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသား လေးဦး ထိခိုက် ဒဏ်ရာရရှိ

     ၂၀၂၆ ခုနှစ်၊ ဖေဖော်ဝါရီ ၉ ရက်က ရှမ်းပြည်နယ်၊ တောင်ကြီးမြို့နယ်၌ ယာဉ်တိမ်းမှောက်မှု ဖြစ်ပွား၍ အမျိုးသား လေးဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဖေဖော်ဝါရီ ၉ ရက် ည ၉ နာရီ ၃၀ မိနစ်တွင် ရှမ်းပြည်နယ်၊ တောင်ကြီးမြို့နယ်၊ ပစောက်ကွေ့လမ်းဆုံအနီး ပြည်ထောင်စုလမ်းမကြီး မိုင်တိုင်အမှတ် ၁၁၁ မိုင်အနီး၌ ယာဉ်တိမ်းမှောက်မှု ဖြစ်ပွားကြောင်း သတင်းအရ အမှတ်(၁၁၇)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက် စစ်ဆေးခဲ့ရာ မန္တလေးတိုင်းဒေသကြီး၊ ကျောက်ပန်းတောင်းမြို့နယ်၊ စံပယ်ပင်ကျေးရွာနေ ဦးအာကာကို(၃၅)နှစ် မောင်းနှင်ပြီး အေးသာယာမြို့၊ အမှတ်(၁၂)ရပ်ကွက်နေ ဦးချစ်ကိုကို(၃၂)နှစ်၊ သာစည်မြို့နယ်၊ ကျွဲတပ်ဆုံကျေးရွာနေ မောင်ထူးနိုင်(၁၇)နှစ်နှင့် မောင်ဝေလင်းအောင်(၁၈)နှစ်တို့ လိုက်ပါလာပြီး သစ်လုံးများ တင်ဆောင်လာသည့် YGN-36/2C-XXXX ၂၂ ဘီး မော်တော် ယာဉ်သည် တောင်ကြီးမြို့မှ အေးသာယာမြို့ဘက်သို့ မောင်းနှင်လာစဉ် အခင်းဖြစ်နေရာအရောက်၌ အရှိန် မထိန်းနိုင်ဘဲ လမ်း၏ဝဲဘက်သို့ တိမ်းမှောက်ခဲ့သဖြင့် ဦးအာ ကာကိုပါ လေးဦးတွင် ထိခိုက်ဒဏ်ရာများ အသီးသီးရရှိခဲ့သောကြောင့် အာကာကို အား တောင်ကြီးနယ်မြေရဲစခန်း ယာဉ်(ပ)၂/၂၀၂၆၊ ရာဇသတ်ကြီးပုဒ်မ ၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။