ရှမ်းပြည်နယ်၊ ပင်လောင်းမြို့နယ်၌ ယာဉ်တိုက်မှုဖြစ်ပွား၍ အမျိုးသမီး နှစ်ဦးနှင့် ကလေးငယ် တစ်ဦးတို့ ထိခိုက်ဒဏ်ရာရရှိ

ရှမ်းပြည်နယ်၊ ပင်လောင်းမြို့နယ်၌ ယာဉ်တိုက်မှုဖြစ်ပွား၍ အမျိုးသမီး နှစ်ဦးနှင့် ကလေးငယ် တစ်ဦးတို့ ထိခိုက်ဒဏ်ရာရရှိ

    ၂၀၂၆ ခုနှစ်၊ ဇွန် ၁ ရက်က ရှမ်းပြည်နယ်၊ ပင်လောင်းမြို့နယ်၌ ယာဉ်တိုက်မှုဖြစ်ပွား၍ အမျိုးသမီး နှစ်ဦးနှင့် ကလေးငယ် တစ်ဦးတို့ ထိခိုက်ဒဏ်ရာရရှိခဲ့ကြောင်း သိရသည်။

    ဖြစ်စဉ်မှာ ဇွန် ၁ ရက် မွန်းလွဲ ၁၂ နာရီ ၁၅ မိနစ်တွင် ရှမ်းပြည်နယ်၊ ပင်လောင်းမြို့နယ်၊ လိန်းလီကျေးရွာ၊ ပင်လောင်း-နေပြည်တော်ကားလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ ဖိုကုန်းနယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ပင်လောင်းမြို့မှ ပေါင်းလောင်း မြို့ဘက်သို့ ပင်လောင်းမြို့နယ်၊ သဲကုန်းကျေးရွာနေ ဦးခွန်ကျော်ဝင်း(၃၃)နှစ် မောင်းနှင်ပြီး ရုံးဝင်းရပ်ကွက်နေ ဦးစိုင်းလှသောင်း(ခ)လှဆောင်(၅၄)နှစ် လိုက်ပါလာသည့် SHN-38/1M-XXXX HIJET မော်တော်ယာဉ်နှင့် လိန်းလီကျေးရွာနေ ဒေါ်အိအိချော(၃၃)နှစ် မောင်းနှင်ပြီး တစ်ရွာတည်းနေ ဒေါ်လှရီ(၅၄)နှစ်နှင့် သားဖြစ်သူ မောင်ကောင်းထက်လျှံ(၃)နှစ်တို့ လိုက်ပါလာသော MDY/80W-XXXXX LUOJIA 110 ဆိုင်ကယ်တို့သည် အခင်းဖြစ်နေရာအရောက်၌ အရှိန်မထိန်းနိုင်ဘဲ မျက်နှာချင်းဆိုင် တိုက်မိမှုဖြစ်ပွား၍ ဒေါ်အိအိချော၊ ဒေါ်လှရီနှင့် မောင်ကောင်းထက်လျှံတို့တွင် ထိခိုက်ဒဏ်ရာများ အသီးသီးရရှိခဲ့သောကြောင့် ခွန်ကျော်ဝင်းနှင့် အိအိချောတို့ နှစ်ဦးအား ဖိုကုန်းနယ်မြေရဲစခန်း ယာဉ်(ပ)၁/၂၀၂၆၊ ရာဇသတ်ကြီးပုဒ်မ ၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။