ဝါးတောထိန်းသိမ်းနည်းနှင့် ဝါးတာရှည်ခံအောင်ပြုလုပ်နည်းသင်တန်း ဖွင့်လှစ်ကျင်းပ

ဝါးတောထိန်းသိမ်းနည်းနှင့် ဝါးတာရှည်ခံအောင်ပြုလုပ်နည်းသင်တန်း ဖွင့်လှစ်ကျင်းပ

နေပြည်တော် မတ်လ ၁၉

ဝါးစိုက်ပျိုးမှု ဖွံ့ဖြိုးတိုးတက်စေရေး ရည်ရွယ်ချက်ဖြင့် ပြည်ထောင်စုနယ်မြေ၊ နေပြည်တော် သမဝါယမဦးစီးဌာန၏ အစည်းအဝေးခန်း၌ သင်တန်းသား (၅၀)ဦးဖြင့် ဝါးတောထိန်းသိမ်းနည်းနှင့် ဝါးတာရှည်ခံအောင်ပြုလုပ်နည်းသင်တန်းကို ဖွင့်လှစ်ကျင်းပခဲ့သည်။

အဆိုပါသင်တန်းဖွင့်ပွဲသို့ နေပြည်တော်သမဝါယမဦးစီးဌာန၊ ညွှန်ကြားရေးမှူး ဒေါ်ဆုယဉ်မြင့် တက်ရောက်၍ သင်တန်းဖွင့်လှစ်ရခြင်း၏ ရည်ရွယ်ချက်များ၊ ဝါးဖြင့် အသက်မွေးဝမ်းကျောင်းပြုသူများက သစ်အစားထိုး ဝါးများကိုအသုံးပြုခြင်းအပြင် တစ်ဖက်မှာလည်း ဝါးတောများ ပြုန်းတီးမှုမရှိစေရေး အတွက် ထိန်းသိမ်းကြရန်လိုအပ်ကြောင်း၊ ယခုသင်တန်းသည် ဝါးတောများကို ထိန်းသိမ်းတတ်စေရန်နှင့် ဝါးတာရှည်ခံအောင်ပြုလုပ်တတ်စေရန် အသိပညာရှင်၊ အတက်ပညာရှင်များနှင့်ပေါင်းစပ်၍ သင်ကြားပို့ချ ပေးမည်ဖြစ်ကြောင်း၊ တက်ရောက်သူများအနေဖြင့် စိတ်ပါဝင်စားစွာဖြင့် သင်ယူစေလိုကြောင်း ပြောကြားခဲ့သည်။

ဆက်လက်၍ ဘမ်ဘူးဝါးကုန်ထုတ်သမဝါယမအသင်းဥက္ကဋ္ဌ ဦးကျော်ဝင်း က ဝါးတောများ ထိန်းသိမ်းခြင်းနှင့် ဝါးတာရှည်ခံအောင်ပြုလုပ်နည်းများအား ဆွေးနွေးပို့ချခဲ့ကြောင်း သိရသည်။