အကျဉ်းထောင်/စခန်းအသီးသီး၌ ပြင်ပကျန်းမာရေးအဖွဲ့များမှ ကျန်းမာရေးဆိုင်ရာ စောင့်ရှောက်ပေးမှုများ ပြုလုပ်

အကျဉ်းထောင်/စခန်းအသီးသီး၌ ပြင်ပကျန်းမာရေးအဖွဲ့များမှ ကျန်းမာရေးဆိုင်ရာ စောင့်ရှောက်ပေးမှုများ ပြုလုပ်

     အကျဉ်းဦးစီးဌာနကွပ်ကဲမှုအောက်ရှိ အကျဉ်းထောင်/စခန်းအသီးသီး၌ ကျန်းမာရေးဦးစီးဌာန၊ သက်ဆိုင်ရာခရိုင်၊ မြို့နယ်များရှိ ပြင်ပကျန်းမာရေးအဖွဲ့များနှင့်ပူးပေါင်း၍ လစဉ်ကျန်းမာရေးစောင့်ရှောက်ပေးမှုလုပ်ငန်းများ ဆောင်ရွက်ပေးလျက်ရှိရာ ၂၀၂၆ ခုနှစ်၊ မတ် ၃၀ ရက်တွင် မန္တလေးတိုင်းဒေသကြီး၊ အမျိုးသားတီဘီတိုက်ဖျက်ရေးစီမံကိန်း(ဗဟို-မန္တလေးရုံးခွဲ)မှ လက်ထောက်ညွှန်ကြားရေးမှူး ဒေါက်တာ အောင်ကျော်စိုး ဦးဆောင်သော အဖွဲ့ဝင် ၈ ဦးသည် ဘဲလင်း(၁)ကုန်ထုတ်စခန်းမှ အကျဉ်းသား ၃၇၀ ဦးအား လည်းကောင်း၊ အလားတူ ဧပြီ ၂ ရက်တွင် ဘဲလင်း(၂)ကုန်ထုတ်စခန်းမှ အကျဉ်းသား ၃၃၁ ဦးအား လည်းကောင်း။

     အလားတူ ဧပြီ ၂ ရက်တွင် ရန်ကုန်တိုင်းဒေသကြီး၊ အမျိုးသားတီဘီတိုက်ဖျက်ရေးစီမံကိန်း(ဗဟို-ရန်ကုန်ရုံးခွဲ)မှ အဖွဲ့ခေါင်းဆောင်ဆရာဝန် ဒေါက်တာ ရဲမြင့်ထွန်း ဦးဆောင်သော အဖွဲ့ဝင် ၇ ဦးသည် အင်းစိန်ဗဟိုအကျဉ်းထောင်မှ အကျဉ်းသား ၈၇၁ ဦး၊ အကျဉ်းသူ ၁၅၃ ဦး၊ ပေါင်း ၁၀၂၄ ဦး၊ အချုပ်သား ၁၇၄ ဦး၊ အချုပ်သူ ၄၈ ဦး၊ ပေါင်း ၂၂၂ ဦး၊ စုစုပေါင်း ၁၂၄၆ ဦးအား လည်းကောင်း အသီးသီး ကျန်းမာရေးစစ်ဆေးစောင့်ရှောက်ကုသမှုများ ဆောင်ရွက်ပေးခဲ့ကြောင်း သတင်းရရှိပါသည်။