ဧရာဝတီတိုင်းဒေသကြီး၊ ညောင်တုန်းမြို့နယ်၌ ယာဉ်တိုက်မှုဖြစ်ပွား၍ ကလေးငယ် တစ်ဦး ထိခိုက် ဒဏ်ရာရရှိ

ဧရာဝတီတိုင်းဒေသကြီး၊ ညောင်တုန်းမြို့နယ်၌ ယာဉ်တိုက်မှုဖြစ်ပွား၍ ကလေးငယ် တစ်ဦး ထိခိုက် ဒဏ်ရာရရှိ

     ၂၀၂၆ ခုနှစ်၊ ဇန်နဝါရီ ၁၀ ရက်က ဧရာဝတီတိုင်းဒေသကြီး၊ ညောင်တုန်းမြို့နယ်၌ ယာဉ်တိုက်မှု ဖြစ်ပွား၍ ကလေးငယ် တစ်ဦး ထိခိုက်ဒဏ်ရာရရှိခဲ့ကြောင်း သိရသည်။ 

     ဖြစ်စဉ်မှာ ဇန်နဝါရီ ၁၀ ရက် ည ၇ နာရီ ၅၀ မိနစ်တွင် ဧရာဝတီတိုင်းဒေသကြီး၊ ညောင်တုန်း မြို့နယ်၊ ပုသိမ်-ရန်ကုန်သွားကားလမ်း ရေကျော်ကျေးရွာအနီး၌ ယာဉ်တိုက်မှုဖြစ်ပွားကြောင်း သတင်းအရ ဆားမလောက်ရဲကင်းစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ပုသိမ်မြို့မှ ရန်ကုန်မြို့ဘက်သို့ ရန်ကုန်တိုင်းဒေသကြီး၊ ကြည့်မြင်တိုင်မြို့နယ်နေ တင်ထွဋ်ဝင်း(၄၅)နှစ် မောင်းနှင်လာသည့် YGN-41/7Q-XXXX TOYOTA SUZUKI ERTIGA အဖြူရောင် မော်တော်ယာဉ်သည် အခင်းဖြစ်နေရာအရောက်တွင် လမ်းဝဲဘက်မှ ယာဘက်သို့ လမ်းဖြတ်ကူးသူ ညောင်တုန်းမြို့နယ်၊ အညာစုကျေးရွာနေ မရတနာမျိုး(၉)နှစ်အား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် ၎င်းတွင် ထိခိုက်ဒဏ်ရာများ ရရှိခဲ့သောကြောင့် တင်ထွဋ်ဝင်း အား မဲဇလီနယ်မြေရဲစခန်း ယာဉ်(ပ)၂/၂၀၂၆၊ ရာဇသတ်ကြီးပုဒ်မ ၃၃၈/၃၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။