ဧရာဝတီတိုင်းဒေသကြီး၊ သာပေါင်းမြို့နယ်၌ ဆိုင်ကယ်ပေါ်မှ ပြုတ်ကျ၍ အမျိုးသမီး တစ်ဦး သေဆုံး

ဧရာဝတီတိုင်းဒေသကြီး၊ သာပေါင်းမြို့နယ်၌ ဆိုင်ကယ်ပေါ်မှ ပြုတ်ကျ၍ အမျိုးသမီး တစ်ဦး သေဆုံး

     ၂၀၂၆ ခုနှစ်၊ ဇန်နဝါရီ ၁၁ ရက်က ဧရာဝတီတိုင်းဒေသကြီး၊ သာပေါင်းမြို့နယ်၌ ဆိုင်ကယ်ပေါ်မှ ပြုတ်ကျ၍ အမျိုးသမီး တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ ဇန်နဝါရီ ၁၁ ရက် ညနေ ၄ နာရီ ၁၅ မိနစ်တွင် ဧရာဝတီတိုင်းဒေသကြီး၊ သာပေါင်းမြို့နယ်၊ ပိန္နဲကုန်းကျေးရွာအနီးလမ်းကွေ့၌ အမျိုးသမီး တစ်ဦး ဆိုင်ကယ်ပေါ်မှ ပြုတ်ကျ၍ ထိခိုက်ဒဏ်ရာရရှိနေကြောင်း သတင်းအရ သာပေါင်းမြို့မရဲစခန်းမှ တပ်ဖွဲ့ဝင်များက သွားရောက် စစ်ဆေးခဲ့ရာ သာပေါင်းမြို့နယ်၊ လှေကြီးတက်ကျေးရွာနေ ဝေလင်းထက်(၁၉)နှစ်သည် တစ်ရွာတည်းနေ မပန်းအိခိုင်(၂၅)နှစ်အား AYY/53W-XXXX NEW ZHINENG WAVE 110 ဆိုင်ကယ်ဖြင့် တင်ဆောင်၍ သာပေါင်းမြို့မှ လှေကြီးတက်ကျေးရွာဘက်သို့ မောင်းနှင်လာစဉ် အခင်းဖြစ်နေရာအရောက်၌ မပန်းအိခိုင်မှာ ဆိုင်ကယ်ပေါ်မှ ပြုတ်ကျ၍ ထိခိုက်ဒဏ်ရာများ ရရှိခဲ့သဖြင့် ပုသိမ်ခရိုင် ပြည်သူ့ဆေးရုံကြီး၌ ဆေးကုသမှု ခံယူနေစဉ် သေဆုံးသွားခဲ့သောကြောင့် ဝေလင်းထက် အား သာပေါင်းမြို့မရဲစခန်း ယာဉ်(ပ)၁/၂၀၂၆၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူ ထားကြောင်း သတင်းရရှိပါသည်။