ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းရေကြည်မြို့နယ်၊ ဇရပ်လှကျေးရွာအခြေခံပညာအထက်တန်းကျောင်း (၁၃၀ပေ × ၃၀ပေ) RC (၂)ထပ်ကျောင်းဆောင်သစ် ဆောက်လုပ်နေမှုများကို ကြည့်ရှုစစ်ဆေး

ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းရေကြည်မြို့နယ်၊ ဇရပ်လှကျေးရွာအခြေခံပညာအထက်တန်းကျောင်း (၁၃၀ပေ × ၃၀ပေ) RC (၂)ထပ်ကျောင်းဆောင်သစ် ဆောက်လုပ်နေမှုများကို ကြည့်ရှုစစ်ဆေး

ပုသိမ် ဇန်နဝါရီ ၁၃

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် တာဝန်ရှိသူများနှင့်အတူ ယမန်နေ့ညနေပိုင်းက ရေကြည်မြို့နယ်၊ ဇရပ်လှကျေးရွာအခြေခံပညာအထက်တန်းကျောင်း (၁၃၀ပေ × ၃၀ပေ) RC (၂)ထပ်ကျောင်းဆောင်သစ် ဆောက်လုပ်နေမှုများကို ကြည့်ရှုစစ်ဆေးခဲ့ပြီး အရည်အသွေးပြည့်မီရေးနှင့် သတ်မှတ်ကာလအတွင်း ပြီးစီးစေရေးမှာကြားခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် ကျုံပျော်ခရိုင်၊ ကျုံပျော်မြို့နယ်ကျေးလက်လမ်းဖွံ့ဖြိုးရေးဦးစီးဌာနမှ ဆောင်ရွက်လျက်ရှိသည့် ကညင်ဆိုင်-သပြေလှ-ဝဲကြီး-ဖလံကုန်း-ဇရပ်လှ-ဒိုးတန်းငူလမ်း(၀/၃.၇၈) ဖာလုံ ကျောက်ချောလမ်းခင်းခြင်းလုပ်ငန်းအားလည်းကောင်း၊ ဒိုက်ပျက်-ပုလဲကွင်း-ပျဉ်းမချောင်း-ဇရပ်လှလမ်း ၁/၀ မိုင် ချောင်းကျောက်ရောမြေ subgrade ခင်းခြင်း လုပ်ငန်းဆောင်ရွက်နေမှုအားလည်းကောင်း ကြည့်ရှုစစ်ဆေးခဲ့ပြီး အရည်အသွေးပြည့်မီရေး၊ သတ်မှတ်ကာလအတွင်း ပြီးစီးစေရေးကိုမှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ရေကြည်မြို့နယ်၊ ဆီဆုံကုန်းကျေးရွာ၊ တောင်သူဦးနိုင်ဝင်းဆွေ၏ စိုက်ဧက(၅)ဧကတွင် ၂၀၂၅-၂၀၂၆ခုနှစ်၊ ဆောင်း ဆီထွက်သီးနှံ နေကြာ Suryakiran(အိန္ဒိယနေကြာစပ်မျိုး) စိုက်ပျိုးနေထားရှိမှုများကို ကြည့်ရှုအားပေးပြီး စိုက်ခင်းများသို့ ပိုးမွှားများမကျရောက်စေရေး ကြိုတင်ကာကွယ်ဆောင်ရွက်ကြရန်နှင့် ရေပေးခြင်း၊ မြေသြဇာကျွေးခြင်းလုပ်ငန်းများကိုလည်း စနစ်တကျဆောင်ရွက်စေရေးတို့အား မှာကြားခဲ့သည်။