ဧရာဝတီတိုင်းဒေသကြီး၊ ပုသိမ်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

ဧရာဝတီတိုင်းဒေသကြီး၊ ပုသိမ်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

     ၂၀၂၆ ခုနှစ်၊ မတ် ၇ ရက်က ဧရာဝတီတိုင်းဒေသကြီး၊ ပုသိမ်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ မတ် ၇ ရက် မွန်းလွဲ ၂ နာရီ ၁၅ မိနစ်တွင် ဧရာဝတီတိုင်းဒေသကြီး၊ ပုသိမ်မြို့နယ်၊ ပုသိမ်-ငွေဆောင်သွားကားလမ်း မိုင်တိုင်အမှတ် ၁၂ မိုင် ၂ ဖာလုံနှင့် ၃ ဖာ လုံအကြား၌ ယာဉ်တိုက်မှု ဖြစ်ပွားကြောင်း သတင်းအရ သလပ်ခွာနယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ချောင်းသာမြို့နယ်၊ ကြံကြီးကျေးရွာနေ ကိုမြတ်သော်ဇင်(၂၉)နှစ် မောင်းနှင်လာသည့် YGN-44/3N-XXXX YUTONG ခရီးသည်တင်မော်တော်ယာဉ်သည် ငွေဆောင်မြို့မှ ပုသိမ်မြို့သို့ မောင်းနှင်လာစဉ် အခင်းဖြစ်နေရာအရောက်၌ မျက်နှာချင်းဆိုင် တစ်ဖက်ယာဉ်ကြောမှ  ငွေဆောင်မြို့နယ်၊ အမှတ်(၃)ရပ်ကွက်နေ ဦးတင်အုန်း(၆၉)နှစ် မောင်းနှင်လာသည့် 70W-XXXX LUOJIA-110 ဆိုင်ကယ်အား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် ဦးတင်အုန်းတွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့သောကြောင့် မြတ်သော်ဇင် အား သလပ်ခွာနယ်မြေရဲစခန်း ယာဉ်(ပ)၂/၂၀၂၆၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။