ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ်၊ ကျိုက်ပိကျေးရွာ၌ စက်သုံးဆီအရောင်းဆိုင် မီးလောင်မှု

ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ်၊ ကျိုက်ပိကျေးရွာ၌ စက်သုံးဆီအရောင်းဆိုင် မီးလောင်မှု

     ၂၀၂၆ ခုနှစ်၊ မေ ၂၂ ရက် နံနက် ၇ နာရီခန့်က ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ်၊ ကျိုက်ပိကျေးရွာ၌ ပိုင်ရှင် ဦးဇော်မျိုး(၄၇)နှစ်၏ ၈၀ x ၃၀ ပေ၊ သွပ်မိုး၊ RC တစ်ထပ် “ရွှေမြင့်မိုရ်” စက်သုံးဆီအရောင်းဆိုင်တွင် မီးပလပ်ခုံ အပူလွန်ကဲရာ၍ မီးပွားထွက်ရာမှတစ်ဆင့် အနီးရှိ 92 ဓာတ်ဆီပီပါသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် မော်လမြိုင်ကျွန်းမြို့နယ်မီးသတ်စခန်းနှင့် ကျိုက်ပိနယ်မြေမီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် လေးစီးဖြင့် မီးငြှိမ်းသတ်ခဲ့ရာ နံနက် ၇ နာရီ ၃၀ မိနစ်တွင် မီးငြိမ်းခဲ့ပါသည်။
     အဆိုပါမီးလောင်မှုကြောင့် ၈၀ x ၃၀ ပေ၊ သွပ်မိုး၊ RC တစ်ထပ် အဆောက်အအုံရှိ ၁၅ ပေသွပ် ၁၀ ချပ်၊ ပန့် ၂ လုံး၊ 92 ဓာတ်ဆီ ၅၀ ဂါလန်ပါ ပီပါ ၂ လုံးနှင့် ဒီဇယ် ၅၀ ဂါလန်ပါ ပီပါ ၁ လုံး မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးဇော်မျိုး အား ကျိုက်ပိနယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။