၂၀၂၆ ခုနှစ် မိုးရာသီ စိုက်ပျိုးစရိတ်ချေးငွေများ ကျောက်ဆည်ခရိုင်အတွင်းရှိ တောင်သူများသို့ ထုတ်ချေးပေး

၂၀၂၆ ခုနှစ် မိုးရာသီ စိုက်ပျိုးစရိတ်ချေးငွေများ ကျောက်ဆည်ခရိုင်အတွင်းရှိ တောင်သူများသို့ ထုတ်ချေးပေး

မန္တလေး မေ ၁၃

ဘဏ္ဍာရေးနှင့်အခွန်ဝန်ကြီးဌာနက ဆောင်ရွက်မည့် လုပ်ငန်းစဉ်တစ်ခုဖြစ်သည့် ၂၀၂၆ ခုနှစ် မိုးရာသီ စိုက်ပျိုးစရိတ်ချေးငွေများ မန္တလေးတိုင်းဒေသကြီး ကျောက်ဆည်ခရိုင်အတွင်းရှိ တောင်သူများသို့ စတင်ထုတ်ချေးခြင်း အခမ်းအနားကို ယနေ့နံနက်ပိုင်းက မန္တလေးတိုင်းဒေသကြီး ကျောက်ဆည်မြို့ မြို့တော်ခန်းမ၌ ကျင်းပရာ ဒုတိယဝန်ကြီး ဒေါ်သန်းသန်းလင်း တက်ရောက်အမှာစကားပြောကြားသည်။

ထို့နောက် ကျောက်ဆည်ခရိုင်ဘဏ်ခွဲကို ကြည့်ရှုစစ်ဆေးပြီး တောင်သူများနှင့် တွေ့ဆုံ၍ လူမှုစီးပွားဘဝမြင့်မားတိုးတက်စေရေး ချေးငွေများကို အကျိုးရှိစွာ အသုံးပြုကြရန် မှာကြားသည်။

ယမန်နေ့ ညနေပိုင်းက မန္တလေးတိုင်းဒေသကြီးအစိုးရအဖွဲ့ရုံး အစည်းအဝေးခန်းမ၌ တိုင်းဒေသကြီး ဝန်ကြီးချုပ်နှင့်တွေ့ဆုံ၍ အစိုးရအဖွဲ့၏ ရက် (၁၀၀)ကာလအတွင်း ဘဏ္ဍာရေးနှင့်အခွန်ဝန်ကြီးဌာနက ဆောင်ရွက်သည့် စိုက်ပျိုးစရိတ်ချေးငွေ တိုးမြှင့်ထုတ်ချေးရေးနှင့် လယ်ယာသုံး စက်ကိရိယာများအတွက် ချေးငွေထုတ်ချေးရေးဆိုင်ရာများကို ရှင်းလင်းပြောကြားခဲ့ကြောင်း သိရသည်။

သတင်းစဉ်