Archives

Ayeyarwaddy Region Government / Posted on March 12, 2026

၂၀၂၅-၂၀၂၆ပညာသင်နှစ်၊ တက္ကသိုလ်ဝင်စာမေးပွဲကို ယနေ့တွင်စတင်ကျင်းပလျက်ရှိရာ ပုသိမ်မြို့ပေါ်ရှိ စာစစ်ဌာနအသီးသီးတွင် ကျောင်းသား/ကျောင်းသူများ မြန်မာစာ ဘာသာရပ်အား အေးချမ်းစွာ ဖြေဆိုနေမှုများကို တိုင်းဒေသကြီးဝန်ကြီးချုပ် ဦးတင်မောင်ဝင်း သည် ယနေ့နံနက်ပိုင်းက တာဝန်ရှိသူများနှင့်အတူ သွားရောက် ကြည့်ရှုအားပေးခဲ့သည်။ ဦးစွာ တိုင်းဒေသကြီးဝန်ကြီးချူပ်နှင့်အဖွဲ့သည် ပုသိမ်မြို့ပေါ်ရှိ အမှတ်(၈)၊ (၅)၊ (၁)၊ အခြေခံပညာအထက်တန်းကျောင်းစာစစ်ဌာနများသို့ သွားရောက်၍ တက္ကသိုလ်ဝင်စာမေးပွဲ မြန်မာစာဘာသာရပ်အား ကျောင်းသား/ ကျောင်းသူများ အေးချမ်းစွာဖြေဆိုနေမှုများကို လှည့်လည်ကြည့်ရှုအားပေးခဲ့သည်။

Ayeyarwaddy Region Government / Posted on March 12, 2026

၂၀၂၅-၂၀၂၆ခုနှစ်၊ နွေစပါးကန်သင်းဘောင်ပေါ်တွင် ကျင်းစနစ်ဖြင့်စိုက်ပျိုးသော ဆန်ဖိုလာမျိုး နေကြာရိတ်သိမ်းပွဲနှင့် ၂၀၂၅-၂၀၂၆ခုနှစ်၊ နွေစပါးနယူးဧရာ(၁၁)ရိတ်သိမ်းပွဲကို ယမန်နေ့ညနေပိုင်းက မော်လမြိုင်ကျွန်းမြို့နယ်၊ မရဲ့အုန်းပင်စုကျေးရွာ၊ တောင်သူ ဦးတင်အောင်သန်း ၏ လယ်မြေတွင်ပြုလုပ်ခဲ့ရာ တိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ တက်ရောက်ကြည့်ရှုအားပေးခဲ့သည်။

Ayeyarwaddy Region Government / Posted on March 12, 2026

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် ယနေ့နံနက်ပိုင်းက ပုသိမ်-ရှောပြာ-ချောင်းသာလမ်း (၂၄)ပေအကျယ်ကွန်ကရစ်လမ်း တိုးချဲ့တည်ဆောက်ခြင်း၊ လူသွားလမ်း(၂)ဖက်ပြုလုပ်ခြင်းနှင့် အုတ်စီရေမြောင်းတည်ဆောက်လုပ်ငန်းများကိုကြည့်ရှုစစ်ဆေးခဲ့ရာ တိုင်းဒေသကြီးလမ်းဦးစီးဌာန၊ ညွှန်ကြားရေးမှူး(မြို့ပြ)က ပုသိမ်- ရှောပြာချောင်းသာ လမ်း ( ပုသိမ် မြို့တွင်းအပိုင်း) မိုင် ၀မိုင် ၇.၂၅ ဖာလုံမှ ၁ မိုင်၃ ဖာလုံ ၂.၅ ဖာလုံ အတွင်း တိုင်းဒေသကြီးငွေလုံးငွေရင်း ရန်ပုံငွေ ဖြင့် ဆောင်ရွက်သော(၂၄) ပေ အကျယ်ကွန်ကရစ် လမ်းခင်းခြင်း ၊ (၅) ပေ အကျယ် လူသွားလမ်း ပလက်ဖောင်း တည်ဆောက်ခြင်းနှင့် ရေမြောင်းတည်ဆောက် ခြင်း လုပ်ငန်း ဆောင်ရွက်လျက်ရှိရာ ကွန်ကရစ်ခင်းခြင်း ရာနှုန်းပြည့်ပြီးစီး၍ ရေမြောင်းနှင့် ပလက်ဖောင်းများ အချိန်မီပြီးစီးရန် ဆောင်ရွက်နေမှုအခြေအနေများကို ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်က လုပ်ငန်းများအချိန်မီပြီးစီးစေရေး၊ အရည်အသွေးပြည့်မီရေးတို့ကို မှာကြားခဲ့ကြောင်း သိရသည်။