မြန်မာအင်တာနေရှင်နယ်စီးရီး ၂၀၁၉ ကြက်တောင်ရိုက်ပြိုင်ပွဲ ဗိုလ်လုပွဲနှင့် ဆုပေးပွဲ များကျင်းပ

ကျန်းမာရေးနှင့် အားကစားဝန်ကြီးဌာန၏ စီစဉ်မှုဖြင့် ကမ္ဘာ့ကြက်တောင်အဖွဲ့ချုပ်နှင့် မြန်မာနိုင်ငံ ကြက်တောင်အဖွဲ့ချုပ်တို့ပူးပေါင်း၍ မြန်မာနိုင်ငံတွင် အိမ်ရှင်အဖြစ် လက်ခံ ကျင်းပသည့် မြန်မာ အင်တာနေရှင်နယ်စီးရီး၂၀၁၉ ကြက်တောင်ရိုက်ပြိုင်ပွဲ ဗိုလ်လုပွဲနှင့် ဆုပေးပွဲများကို ယနေ့မွန်းလွဲပိုင်းက ရန်ကုန်မြို့ လမ်းမတော်မြို့နယ် ကျုံးကြီးလမ်းရှိ အမျိုးသားကြက်တောင် အားကစားရုံ၌ ကျင်းပသည်။

ယနေ့ ဗိုလ်လုပြိုင်ပွဲများအဖြစ် အမျိုးသား/အမျိုးသမီး Mixed ပြိုင်ပွဲ တွင် တရုတ်(တိုင်ပေ) အသင်းက ထိုင်းအသင်းကို ၂၁-၁၃ မှတ်၊ ၂၁-၁၄ မှတ်ဖြင့် နှစ်ပွဲပြတ်အနိုင်ရရှိပြီး ဆုပေးပွဲ ကျင်းပရာ ပထမဆုရရှိသည့် တရုတ် (တိုင်ပေ)အသင်း၊ ဒုတိယဆုရ ထိုင်း အသင်းနှင့် ပူးတွဲတတိယဆုရ အင်ဒို နီးရှားအသင်းနှင့် ထိုင်းအသင်းတို့အား ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက လည်းကောင်း၊ ဂုဏ်ပြု ဆုငွေများကို အားကစားနှင့်ကာယပညာ ဦးစီးဌာန òန်ကြားရေးမှူးချုပ် ဦးမျိုး လှိုင်က လည်းကောင်း၊ ဂုဏ်ပြုမှတ်တမ်း လွှာများကို ရန်ကုန်တိုင်းဒေသကြီး လုံခြုံ ရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်စိုးမိုးတို့က လည်းကောင်း ပေးအပ်ချီးမြှင့်သည်။

အမျိုးသားတစ်ဦးချင်း ဗိုလ်လုပြိုင်ပွဲ တွင်‘ဒါမာမာ(အိန္ဒိယ)နှင့် ကာရိုနို (အင်ဒိုနီးရှား)တို့ ယှဉ်ပြိုင်ရာ ဒါမာမာ (အိန္ဒိယ)က ၁၈ -၂၁ မှတ်၊ ၂၁-၁၄ မှတ်၊ ၂၁-၁၁ မှတ်ဖြင့် နှစ်ပွဲ - တစ်ပွဲဖြင့် အနိုင် ရရှိ၍ ပထမဆုရ ဒါမာမာ(အိန္ဒိယ)၊ ဒုတိယဆုရ ကာရိုနို(အင်ဒိုနီးရှား)၊ တတိယဆုရ (အင်ဒိုနီးရှား)တို့အား တစ်ဦးချင်း ဆုတံဆိပ်များ၊ ငွေသား ဆုများနှင့် ဂုဏ်ပြုမှတ်တမ်းလွှာများကို မြန်မာနိုင်ငံ အိုလံပစ်ကောင်စီအဖွဲ့ဝင် ကာကွယ်ရေးဝန်ကြီးဌာန ဒုတိယဝန်ကြီး ဗိုလ်ချုပ်မြင့်နွယ်၊ အားကစားနှင့် ကာယပညာဦးစီးဌာန ဒုတိယညွှန်ကြားရေးမှူးချုပ် ဦးကျော်ဆန်းနှင့် မြန်မာ နိုင်ငံ ကြက်တောင်အဖွဲ့ချုပ်ဥက္ကဋ္ဌ ဦးအောင်ပိုင်တို့က ပေးအပ်ချီးမြှင့်သည်။

ယင်းနောက် အမျိုးသမီးတစ်ဦးချင်း ဗိုလ်လုပြိုင်ပွဲအဖြစ် ဘာတာရီ (အင်ဒို နီးရှား)နှင့် ဖက်မာဝါဒီ (အင်ဒိုနီးရှား) တို့ ယှဉ်ပြိုင်ရာ ၂၁-၁၆ မှတ်၊ ၂၁-၁၃ မှတ်ဖြင့် ဖက်မာဝါဒီ (အင်ဒိုနီးရှား)က နှစ်ပွဲပြတ် အနိုင်ရရှိသဖြင့် ပထမဆုရ ဖက်မာဝါဒီ(အင်ဒိုနီးရှား)၊ ဒုတိယဆုရ ဘာတာရီ (အင်ဒိုနီးရှား)နှင့် ပူးတွဲ တတိယဆုရ သက်ထားသူဇာ(မြန်မာ) နှင့် ထိုင်းတို့ကို တစ်ဦးချင်း ဆုတံဆိပ်များ ၊ ငွေသားဆုများနှင့် ဂုဏ်ပြုမှတ်တမ်း လွှာများအား တာဝန်ရှိသူများက ပေးအပ်ချီးမြှင့်သည်။

ထို့နောက် အမျိုးသမီးနှစ်ယောက်တွ ဗိုလ်လုပြိုင်ပွဲတွင် ထိုင်းအသင်းနှင် တရုတ်(တိုင်ပေ)အသင်းတို့ ယှဉ်ပြိုင်ရာ တရုတ်(တိုင်ပေ)အသင်းက ၂၁-၁၈ မှတ်၊ ၂၁-၁၇ မှတ်ဖြင့် လည်းကောင်း၊ အမျိုးသားနှစ်ယောက်တွဲ ဗိုလ်လုပြိုင်ပွဲ တွင် အင်ဒိုနီးရှားအသင်းနှင့် ထိုင်း အသင်းတို့ ယှဉ်ပြိုင်ရာ အင်ဒိုနီးရှား အသင်းက ၂၁-၁၆ မှတ် ၂၁-၁၅ မှတ်ဖြင့် လည်းကောင်း အနိုင်ရရှိခဲ့ကြောင်း သိရသည်။

သတင်းစဉ်