ပုလဲမြို့နယ်၌ PDF အမည်ခံ အကြမ်းဖက်သမားများက မြို့နယ်သစ်တောဦးစီးမှူးရုံးအား အကြောင်းမဲ့ မီးရှို့ဖျက်ဆီး

ပုလဲမြို့နယ်၌ PDF အမည်ခံ အကြမ်းဖက်သမားများက မြို့နယ်သစ်တောဦးစီးမှူးရုံးအား အကြောင်းမဲ့ မီးရှို့ဖျက်ဆီး

      စစ်ကိုင်းတိုင်းဒေသကြီး၊ ပုလဲမြို့နယ်၌ PDF အမည်ခံ အကြမ်းဖက်သမားများက မြို့နယ်သစ်တောဦးစီးမှူးရုံးအား အကြောင်းမဲ့မီးရှို့ဖျက်ဆီးခဲ့သည်။

      ဖြစ်စဉ်မှာ မတ်လ ၁၄ ရက်နေ့ နေ့လယ် ၃ နာရီ ၄၀ မိနစ်တွင် စစ်ကိုင်းတိုင်းဒေသကြီး၊ ပုလဲမြို့နယ်၊ တောင်ပိုင်းရပ်ကွက်ရှိ မြို့နယ်သစ်တောဦးစီးမှူးရုံးအား PDF အမည်ခံ အကြမ်းဖက် အဖွဲ့အင်အား(စိစစ်ဆဲ)က မီးရှို့ဖျက်ဆီးသွားကြောင်းသတင်းအရ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့က လုံခြုံရေးလုပ်ငန်းများဆောင်ရွက်ပြီး ဝိုင်းဝန်းမီးငြှိမ်းသတ်ခဲ့ရာ ၂ နာရီခန့်အကြာတွင် မီးငြိမ်းသွားခဲ့ပြီး အကြမ်းဖက်သမားများ၏ မီးရှို့ဖျက်ဆီးခဲ့မှုကြောင့် အုတ်ညှပ်/ သွပ်မိုး ရုံးအဆောက် အအုံ ၁ လုံး၊ ပျဉ်ထောင်/သွပ်မိုး ၁ ထပ် နေအိမ် ၁ လုံး၊ တိုင်ထောင်/ ထန်းလက်မိုး တဲ ၁ လုံး၊ YGN-6B/2303 မစ်ဆူဘစ်ရှီ အမျိုးအစား သက်သေခံမော်တော်ယာဉ် ၁ စီးနှင့် သစ်မာမျိုးစုံ ၁၂ တန်တို့ မီးလောင် ပျက်စီးဆုံးရှုံးခဲ့ကြောင်း သိရသည်။

      ထိုသို့ စစ်ရေးပစ်မှတ်မဟုတ်သည့် ဌာနဆိုင်ရာအဆောက်အအုံများအား အကြောင်းမဲ့မီးရှို့ ဖျက်ဆီးခဲ့သည့် အကြမ်းဖက်သမားများအား ဖော်ထုတ်ဖမ်းဆီးနိုင်ရေးနှင့် နယ်မြေဒေသတည်ငြိမ် အေးချမ်းရေးတို့အတွက် လုံခြုံရေးတပ်ဖွဲ့ဝင်များက လုံခြုံရေးလုပ်ငန်းစဉ်များနှင့်အညီ ဆက်လက် ဆောင်ရွက်လျက်ရှိကြောင်း သတင်းရရှိသည်။