ရေတာရှည်မြို့နယ်၌ အကြမ်းဖက်မှုကိုလိုလားသည့် သောင်းကျန်းသူအဖွဲ့နှင့် PDF အမည်ခံ အကြမ်းဖက်သမားများက လူနေအိမ် ၂ လုံးအား အကြောင်းမဲ့ မီးရှို့ဖျက်ဆီး

ရေတာရှည်မြို့နယ်၌ အကြမ်းဖက်မှုကိုလိုလားသည့် သောင်းကျန်းသူအဖွဲ့နှင့် PDF အမည်ခံ အကြမ်းဖက်သမားများက လူနေအိမ် ၂ လုံးအား အကြောင်းမဲ့ မီးရှို့ဖျက်ဆီး

      ပဲခူးတိုင်းဒေသကြီး၊ ရေတာရှည်မြို့နယ်၌ အကြမ်းဖက်မှုကိုလိုလားသည့် သောင်းကျန်းသူ အဖွဲ့နှင့် PDF အမည်ခံ အကြမ်းဖက်သမားများက လူနေအိမ် ၂ လုံးအား အကြောင်းမဲ့ မီးရှို့ဖျက်ဆီး သွားခဲ့သည်။

   ဖြစ်စဉ်မှာ မေလ ၁၉ ရက်နေ့ နံနက် ၁ နာရီတွင် ပဲခူးတိုင်းဒေသကြီး၊ ရေတာရှည်မြို့နယ်၊ ကဲလင်းဆိပ်ကျေးရွာအတွင်းသို့ အကြမ်းဖက်မှုကိုလိုလားသည့် သောင်းကျန်းသူအဖွဲ့နှင့် PDF အမည်ခံ အကြမ်းဖက်အဖွဲ့အင်အား ၆ ဦးခန့်ရောက်ရှိလာပြီး အဆိုပါကျေးရွာရှိ လူနေထိုင်ခြင်းမရှိသည့် နေအိမ် ၂ လုံးအား အကြောင်းမဲ့ မီးရှို့ဖျက်ဆီးသွားခဲ့သဖြင့် မီးလောင်မှုကြောင့် သွပ်မိုး၊ အုတ်ခံ၊ ပျဉ်ကာ ၂ ထပ် နေအိမ် ၂ လုံးတို့ မီးလောင်ပျက်စီးဆုံးရှုံးခဲ့ကြောင်း သိရသည်။

      ထိုသို့ ကျေးရွာအတွင်းဝင်ရောက်ကာ အပြစ်မဲ့ အရပ်သားပြည်သူများ၏ နေအိမ်များကို အကြောင်းမဲ့မီးရှို့ဖျက်ဆီးသွားခဲ့သည့် အကြမ်းဖက်သမားများအား ဖမ်းဆီးအရေးယူနိုင်ရေးနှင့် နယ်မြေဒေသတည်ငြိမ်အေးချမ်းရေးအတွက် လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆက်လက်ဆောင်ရွက်လျက်ရှိကြောင်း သတင်းရရှိသည်။