သံတောင်ကြီးမြို့နယ်၌ အကြမ်းဖက်သမားများက သစ်တောဦးစီးဌာနပိုင် သစ်တောပျိုးဉယျာဉ် အတွင်းရှိ သစ်များအား အကြောင်းမဲ့ မီးရှို့ဖျက်ဆီး

သံတောင်ကြီးမြို့နယ်၌ အကြမ်းဖက်သမားများက သစ်တောဦးစီးဌာနပိုင် သစ်တောပျိုးဉယျာဉ် အတွင်းရှိ သစ်များအား အကြောင်းမဲ့ မီးရှို့ဖျက်ဆီး

    ကရင်ပြည်နယ်၊ သံတောင်ကြီးမြို့နယ်၌ အကြမ်းဖက်သမားများက သစ်တောဦးစီးဌာနပိုင် သစ်တောပျိုးဉယျာဉ်အတွင်းရှိ သစ်များအား အကြောင်းမဲ့ မီးရှိုဖျက်ဆီးသွားခဲ့သည်။
    ဖြစ်စဉ်မှာ မတ်လ ၂၅ ရက်နေ့ နံနက် ၁၁ နာရီတွင် ကရင်ပြည်နယ်၊ သံတောင်ကြီးမြို့နယ်၊ သံတောင်မြို့၏ အနောက်မြောက်ဘက် ၂ မိုင်ခန့်အကွာရှိ သံတောင်-တောင်ငူကားလမ်း မိုင်တိုင် အမှတ် ၁၁ မိုင်အနီးရှိ သစ်တောပျိုးဉယျာဉ်သို့ အကြမ်းဖက်အဖွဲ့(စိစစ်ဆဲ) အင်အား ၆ ဦး ခန့်က လက်နက်များကိုင်ဆောင်ရောက်ရှိလာပြီး ပျိုးဉယျာဉ်အတွင်း သိမ်းဆည်းစုပုံထားရှိသည့် သစ်များအား မီးရှို့ဖျက်ဆီးခဲ့သဖြင့် မီးလောင်မှုကြောင့် ကျွန်းမျှောတိုင် ၆၆၀ လုံးတို့ မီးလောင်ပျက်စီးဆုံးရှုံး ခဲ့ကြောင်း သိရသည်။
    အထက်ပါဖြစ်စဉ်မှ သစ်တောဦးစီးဌာနပိုင် ပျိုးဉယျာဉ်အတွင်းမှ သစ်များအား အကြောင်းမဲ့ မီးရှို့ဖျက်ဆီးသွားခဲ့သည့် အကြမ်းဖက်သမားများအား ဖော်ထုတ်ဖမ်းဆီးနိုင်ရေးနှင့် နယ်မြေဒေသ တည်ငြိမ်အေးချမ်းရေးအတွက် လုံခြုံရေးတပ်ဖွဲ့ဝင်များ လိုအပ်သည့် လုံခြုံရေးလုပ်ငန်းများအား ဆက်လက်ဆောင်ရွက်လျက်ရှိကြောင်း သတင်းရရှိသည်။