News

Ministry of Information / Posted on November 01, 2025

မြိုင်မြိုင်ဆိုင်ဆိုင်လတန်ဆောင်တိုင်ဆိုသည့်အတိုင်း ၂၀၂၅ ခုနှစ် တောင်ကြီးမြို့၏ ရိုးရာမပျက် တန်ဆောင်တိုင်ပွဲသည် အောက်တိုဘာ ၃၀ ရက် ည ၇ နာရီက အဝေရာမီးပုံးပျံကွင်း၌  ဒုတိယညတွင် ရပ်နီး၊ ရပ်ဝေးမှ ပွဲတော်လာဧည့်ပရိသတ်များ၊ ဒေသခံတိုင်းရင်းသားပြည်သူများ   ကြက်ပျံမကျစည်ကားသိုက်မြိုက်စွာလာရောက်၍ မီးပုံးပျံလွှတ်တင် ယှဉ်ပြိုင်နေမှုများနှင့် ပွဲတော်ကိုပျော်ရွှင်စွာ ပါဝင်ဆင်နွှဲလျက် ရှိကြသည်။

Ministry of Information / Posted on November 01, 2025

ဒစ်ဂျစ်တယ်စီးပွားရေးဖွံ့ဖြိုးတိုးတက်မှုကော်မတီ၏ ဆန်းသစ်တီထွင်မှုနှင့်ဒစ်ဂျစ်တယ်အတတ် ပညာမြှင့်တင်ရေးလုပ်ငန်းကော်မတီ(၄/၂၀၂၅) ညှိနှိုင်းဆွေးနွေးပွဲကို ယမန်နေ့နံနက်ပိုင်းက နေပြည်တော်ရှိ Naypyitaw State Polytechnic University  ၌  Hybrid  စနစ်ဖြင့်  ကျင်းပသည်။

Ministry of Information / Posted on November 01, 2025

အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် ယနေ့နံနက်ပိုင်းတွင် ဝန်ကြီးဌာနရှိကျောက်စိမ်းခန်းမ၌ နေပြည်တော်အတွင်းရှိ ဟိုတယ်လုပ်ငန်းရှင်များ၊ ဟိုတယ်များမှ တာဝန်ရှိသူများနှင့် တွေ့ဆုံသည်။

Ministry of Information / Posted on November 01, 2025

၂၀၂၄ ခုနှစ် တီဘီရောဂါ တိုက်ဖျက်ရေးလုပ်ငန်းများနှစ်ပတ်လည်ဆန်းစစ်ဆွေးနွေးပွဲကို အောက်တိုဘာ ၂၇ ရက် နံနက်ပိုင်းတွင် ကျန်းမာရေးဝန်ကြီးဌာနအစည်းအဝေးခန်းမ၌ကျင်းပရာ ကျန်းမာရေးဝန်ကြီးဌာနမှ ညွှန်ကြားရေးမှူးချုပ်များ၊ တိုင်းဒေသကြီး၊  ပြည်နယ်ပြည်သူ့ကျန်းမာရေးဦးစီးဌာနမှူးများ၊ ဆေးရုံအုပ်ကြီးများ၊ ဆေးဝန်ထမ်း ညွှန်ကြားရေးမှူးရုံးနှင့် အခြားနှီးနွှယ်ဝန်ကြီးဌာနများမှ တာဝန်ရှိသူများ၊ တီဘီကျွမ်းကျင်ပညာ ရှင်များ၊ တီဘီရောဂါတိုက်ဖျက်ရေးဌာနတာဝန်ခံဆရာဝန်များနှင့်မိတ်ဖက်အဖွဲ့အစည်းများမှ ကိုယ်စားလှယ်များ တက်ရောက်ကြသည်။

Ministry of Information / Posted on November 01, 2025

၂၀၂၅  ခုနှစ်၊ တပ်မတော်ကာကွယ်ရေး ဦးစီးချုပ်ဒိုင်း၊ တပ်မတော်(ကြည်း၊ ရေ၊ လေ) ကရာတေးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲကို ယနေ့ မွန်းလွဲပိုင်းတွင် တောင်ပိုင်းတိုင်းစစ်ဌာနချုပ် အေးချမ်းဖြိုးခန်းမ၌ ပြုလုပ်ရာ တပ်မတော်ကာကွယ်ရေးဦးစီးချုပ်ကိုယ်စား တောင်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် ကြည်သိုက်၊ အရာရှိ၊ စစ်သည်၊ မိသားစုဝင်များ၊  ဒိုင်အဖွဲ့ဝင်များနှင့် ပြိုင်ပွဲဝင်အားကစားသမားများ တက်ရောက်ကြသည်။

Ministry of Information / Posted on November 01, 2025

Ministry of Information / Posted on November 01, 2025

အခြေခံပညာဆရာ ဆရာမများ အထူးမွမ်းမံသင်တန်းအမှတ်စဉ် (၈၁) သင်တန်းဆင်းပွဲကို ယနေ့ နံနက် ၈ နာရီတွင် နိုင်ငံ့ဝန်ထမ်းတက္ကသိုလ်(အထက်မြန်မာပြည်)ရတနာခန်းမ၌ကျင်းပရာ ပြည်ထောင်စုရာထူးဝန်အဖွဲ့ဝင်ဦးကျော်မျိုးထွဋ်၊ ပညာရေးဝန်ကြီးဌာနမှ  တာဝန်ရှိသူများ၊ နိုင်ငံ့ဝန်ထမ်းတက္ကသိုလ်(အထက်မြန်မာပြည်) ပါမောက္ခချုပ်၊ ဒုတိယပါမောက္ခချုပ်များ၊ ဖိတ်ကြားထားသည့်ဧည့်သည်တော်များ၊ တက္ကသိုလ်သင်ကြား/ စီမံဌာနများမှ တာဝန်ရှိပုဂ္ဂိုလ်များနှင့် သင်တန်းသားသင်တန်းသူများ တက်ရောက်ကြသည်။

Ministry of Information / Posted on November 01, 2025

ပြည်ထောင်စုနယ်မြေ   နေပြည်တော်အတွင်းရှိ စစ်မှုထမ်းဟောင်းအဖွဲ့ဝင်များအား ယနေ့မွန်းလွဲပိုင်းတွင် မြန်မာနိုင်ငံစစ်မှုထမ်းဟောင်းအဖွဲ့ဗဟိုအမှုဆောင်အဖွဲ့ဥက္ကဋ္ဌ ဗိုလ်ချုပ်ကြီး ခင်အောင်မြင့်(အငြိမ်းစား)၊ ပြည်ထောင်စုနယ်မြေနေပြည်တော်စစ်မှုထမ်းဟောင်းကြီးကြပ်ရေးအဖွဲ့နာယက တိုင်းမှူး ဗိုလ်ချုပ်စိုးမင်းနှင့်တာဝန်ရှိသူများက မြန်မာနိုင်ငံစစ်မှုထမ်းဟောင်းအဖွဲ့ဗဟိုဌာနချုပ်ရှိ ညီလာခံခန်းမ၌ သွားရောက်တွေ့ဆုံသည်။

Ministry of Information / Posted on November 01, 2025

ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းသည် ယနေ့ညနေပိုင်းတွင် မန္တလေးငလျင်ကြီးကြောင့် ဆေးရုံအဆောက်အအုံများ ထိခိုက်ပျက်စီးမှုရှိသဖြင့် ယာယီပြောင်းရွှေ့ ဖွင့်လှစ်ခဲ့ရသော ကလေးရောဂါအထူးကုဆေးရုံကြီး- နေပြည်တော်နှင့်သားဖွားမီးယပ်ရောဂါအထူးကုဆေးရုံကြီး-နေပြည်တော်တို့ မူလဆေးရုံနေရာများ၌ ပြန်လည်ပြောင်းရွှေ့ဖွင့်လှစ်ကာ ကုသရေးလုပ်ငန်း များ   ဆောင်ရွက်နေမှုအခြေအနေကို လှည့်လည်ကြည့်ရှုသည်။

Ministry of Information / Posted on November 01, 2025

အိန္ဒိယနိုင်ငံ ယူပီပြည်နယ် ကုသိနာရုံမြို့ ကုသိနာရုံမြန်မာကျောင်းတိုက်ဦးစီးပဓာနနာယက   အိန္ဒိယနိုင်ငံပရဒေသီ သံဃနာယကအဖွဲ့ဥက္ကဋ္ဌဆရာတော်   ဒေါက်တာ ဘဒ္ဒန္တဉာဏိဿရ (အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မ ဇောတိကဓဇ) သက်တော်(၈၉) နှစ်၊ သိက္ခာတော် (၆၉) ဝါရှိ မဟာထေရ်မြတ်ကြီးသည် ၁၃၈၇  ခုနှစ်   တန်ဆောင်မုန်းလဆန်း ၁၁ ရက်၊ ၂၀၂၅ခုနှစ် အောက်တိုဘာ ၃၁ ရက်(သောကြာနေ့)၊ အိန္ဒိယစံတော်ချိန် နံနက် ၄ နာရီ မိနစ် ၅၀ အချိန်တွင် ယူပီ ပြည်နယ်မြို့တော်  Lucknow ရှိ Medanta ဆေးရုံကြီးတွင် ဘဝနတ်ထံပျံလွန်တော်မူခဲ့ကြောင်း   သာသနာတော် ထွန်းကားပြန့်ပွားရေးဦးစီးဌာနမှ သတင်းရရှိသည်။