ကချင်ပြည်နယ်၊ တနိုင်းမြို့နယ်၌ လိုင်စင်မဲ့ မော်တော်ယာဉ်များ ဖမ်းဆီးရမိ

ကချင်ပြည်နယ်၊ တနိုင်းမြို့နယ်၌ လိုင်စင်မဲ့ မော်တော်ယာဉ်များ ဖမ်းဆီးရမိ

     ကချင်ပြည်နယ်၊ တနိုင်းမြို့နယ်၌ ၂၀၂၅ ခုနှစ်၊ ဩဂုတ် ၁၅ ရက်က လိုင်စင်မဲ့ မော်တော်ယာဉ်များ ဖမ်းဆီးရမိခဲ့ကြောင်း သိရသည်။

     ဖြစ်စဉ်မှာ ဩဂုတ် ၁၅ ရက် မွန်းလွဲ ၃ နာရီ ၃၀ မိနစ်တွင် တနိုင်းမြို့၊ ဆွတ်ငိုင်ရပ်ကွက်၊ တနိုင်း-မိုင်းခွန်သွားကားလမ်း၌ တနိုင်းခရိုင်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် မိုင်းခွန်ကျေးရွာနေ နေမင်းလတ်(ခ)အငယ်လေး(၃၅)နှစ် မောင်းနှင်လာသည့် MDY-13 3G/XXXX AD VAN မော်တော်ယာဉ်အား လည်းကောင်း၊ တစ်ရွာတည်းနေ မိုးအောင်(၅၃)နှစ်မောင်းနှင်လာသည့် YGN 7H-XXXX MITSUBISHI PAJERO မော်တော်ယာဉ်အား လည်း ကောင်း ရပ်တန့်စစ်ဆေးခဲ့ရာ အဆိုပါမော်တော်ယာဉ်များနှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ယာဉ်များဖြစ်ကြောင်း သိရှိရသဖြင့် နေမင်းလတ်နှင့် မိုးအောင်တို့နှစ်ဦးအား တနိုင်းမြို့မရဲစခန်း (ပ)၄၁/၂၀၂၅၊ (ပ)၄၂/၂၀၂၅၊ ပို့ကုန်သွင်းကုန်ဥပဒေပုဒ်မ ၈ ဖြင့် အမှုဖွင့်အရေးယူထားကြောင်း သတင်းရရှိသည်။