ကချင်ပြည်နယ်၊ မိုးကောင်းမြို့နယ်နှင့် မွန်ပြည်နယ်၊ ရေးမြို့နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူ

ကချင်ပြည်နယ်၊ မိုးကောင်းမြို့နယ်နှင့် မွန်ပြည်နယ်၊ ရေးမြို့နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူ

  ၂၀၂၅ ခုနှစ်၊ စက်တင်ဘာ ၂ ရက်က ကချင်ပြည်နယ်၊ မိုးကောင်းမြို့နယ်နှင့် မွန်ပြည်နယ်၊ ရေးမြို့နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူထားကြောင်း သိရသည်။

   ဖြစ်စဉ်မှာ စက်တင်ဘာ ၂ ရက် ညနေ ၄ နာရီ ၄၀ မိနစ်တွင် ကချင်ပြည်နယ်၊ မိုးကောင်းမြို့နယ်၊ ရွှေဘို-မြစ်ကြီးနားသွားကားလမ်းမကြီးပေါ်၌ ပင်းဘောနယ်မြေရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ယာဉ်စစ်ဆေးခြင်းများ ဆောင်ရွက်နေစဉ် ဟိုပင်မြို့မှ မိုးကောင်းမြို့ဘက်သို့ မိုးကောင်းမြို့နယ်၊ နန့်ခွင်ကျေးရွာနေ ကောင်းခန့်ပိုင်(၂၃)နှစ် မောင်းနှင်လာသည့် MDY-8/6M-XXXX TOYOTA HIJET မော်တော်ယာဉ်အား ရပ်တန့်စစ်ဆေးခဲ့ရာ မော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ကောင်းခန့်ပိုင် အား ပင်းဘောနယ်မြေရဲစခန်း (ပ)၁၃/၂၀၂၅၊ ပို့ကုန်သွင်းကုန် ဥပဒေပုဒ်မ ၈ ဖြင့် လည်းကောင်း။

   အလားတူ ညနေ ၄ နာရီ ၃၀ မိနစ်တွင် မွန်ပြည်နယ်၊ ရေးမြို့နယ်၊ ချောင်းတောင်တံတား၌ ရေးမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် ရေးမြို့နယ်၊ ကလော့ကျေးရွာနေ ကျော်နိုင်ဦး(၂၄)နှစ် မောင်းနှင်လာသည့် YGN-11/6M-XXXX FUSO မော်တော်ယာဉ်အား ရပ်တန့်စစ်ဆေးခဲ့ရာ မော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ကျော်နိုင်ဦး အား ရေးမြို့မရဲစခန်း (ပ)၇၅/၂၀၂၅၊ ပို့ကုန်သွင်းကုန်ဥပဒေ ပုဒ်မ ၈ ဖြင့် လည်းကောင်း အသီးသီးအမှုဖွင့်အရေးယူထားကြောင်း သတင်းရရှိပါသည်။