ကချင်ပြည်နယ်၊ မိုးကောင်းမြို့နယ်၌ လိုင်စင်မဲ့ မော်တော်ယာဉ် နှစ်စီး ဖမ်းဆီးအရေးယူ

ကချင်ပြည်နယ်၊ မိုးကောင်းမြို့နယ်၌ လိုင်စင်မဲ့ မော်တော်ယာဉ် နှစ်စီး ဖမ်းဆီးအရေးယူ

     ၂၀၂၅ ခုနှစ်၊ နိုဝင်ဘာ ၂၂ ရက်က ကချင်ပြည်နယ်၊ မိုးကောင်းမြို့နယ်၌ လိုင်စင်မဲ့ မော်တော်ယာဉ် နှစ်စီး ဖမ်းဆီးအရေးယူထားကြောင်း သိရသည်။

      ဖြစ်စဉ်မှာ နိုဝင်ဘာ ၂၂ ရက် နံနက် ၆ နာရီ ၃၀ မိနစ်တွင် ကချင်ပြည်နယ်၊ မိုးကောင်းမြို့နယ်၊ မိုးကောင်းတံတားထိပ်၌ မိုးကောင်းမြို့မရဲစခန်းမှ တပ်ဖွဲ့ဝင်များက ယာဉ်စစ်ဆေးခြင်းများ ဆောင်ရွက်နေစဉ် ဟိုပင်မြို့မှ မြစ်ကြီးနားမြို့ဘက်သို့ မိုးကောင်းမြို့နယ်၊ ရွာသစ်ကြီးကျေးရွာနေ အောင်အောင်(၃၀)နှစ် မောင်းနှင်လာသည့် MDY-8/7I-XXXX TOYOTA CROWN မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် အောင်အောင် အား မိုးကောင်းမြို့မရဲစခန်း (ပ)၈၆/၂၀၂၅၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     အလားတူ နံနက် ၇ နာရီ ၃၀ မိနစ်တွင် မိုးကောင်းမြို့နယ်၊ (၃)မိုင်လမ်းဆုံ၌ မိုးကောင်း မြို့မရဲစခန်းမှ တပ်ဖွဲ့ဝင်များက ယာဉ်စစ်ဆေးခြင်းများ ဆောင်ရွက်နေစဉ် (၈)မိုင်ကျေးရွာမှ မိုးကောင်းမြို့ဘက်သို့ မိုးကောင်းမြို့နယ်၊ မီးသွေးကုန်းကျေးရွာနေ မင်းထွန်း(၂၆)နှစ် မောင်းနှင် လာသည့် MDY-8/3J-XXXX TOYOTA LANDCRUISER မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် မင်းထွန်း အား မိုးကောင်းမြို့မရဲစခန်း (ပ)၈၇/၂၀၂၅၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း အသီးသီးအမှုဖွင့်အရေးယူထားကြောင်း သတင်းရရှိပါသည်။