ကျောက်ဆည်မြို့၌ ရိုးရာဆင်အကအလှပြိုင်ပွဲ စည်ကားသိုက်မြိုက်စွာ ကျင်းပ

ကျောက်ဆည်မြို့၌ ရိုးရာဆင်အကအလှပြိုင်ပွဲ စည်ကားသိုက်မြိုက်စွာ ကျင်းပ

ကျောက်ဆည် အောက်တိုဘာ ၅

မန္တလေးတိုင်းဒေသကြီး ကျောက်ဆည်မြို့နယ်၌ နှစ်စဉ်ကျင်းပမြဲဖြစ်သော ရိုးရာဆင်လှူပွဲတော်နှင့် ဆင်အကအလှပြိုင်ပွဲဖွင့်ပွဲအခမ်းအနားကို ယနေ့နံနက် ၈ နာရီက ရွှေသာလျောင်းတောင်ခြေဆင်အကအလှပြိုင်ကွင်း ဗဟိုမဏ္ဍပ်၌ ကျင်းပသည်။

ဆက်လက်၍ ပြိုင်ပွဲဝင်ဆင်များက အောင်စေ၊ ပိုင်စေ သီချင်းဖြင့် ဧည့်ခံဖျော်ဖြေပြီး ကျောက်ဆည်ခရိုင် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌက ဧည့်သည်တော်များအား ဆင်အကအလှပြိုင်ပွဲ အမှတ်တရလက်ဆောင်များ ပေးအပ်သည်။ ထို့နောက် ပြိုင်ပွဲဝင်ဆင်များက မြန်မာပြည်သားသီချင်းဖြင့် ဆင်ပြိုင်ကွင်းမှ ပြန်လည်ထွက်ခွာခဲ့ပြီး ဇော်ဂျီမောင်ဧည့်ခံဆင်အဖွဲ့မှ ဆင်အကအလှစွမ်းရည်များဖြင့် ဧည့်ခံကပြဖျော်ဖြေခဲ့ကာ ဆင်အကအလှပြိုင်ပွဲကို ဆက်လက်ကျင်းပသည်။

အခမ်းအနားကို နယ်မြေခံတပ်နယ်မှ ဗိုလ်မှူးချုပ် တိုးမြင့်ကျော်၊ ဗိုလ်မှူးချုပ် မင်းနိုင်ဝင်း၊ ကျောက်ဆည်ခရိုင် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးဇော်ဟိန်းအောင်၊ ကျောက်ဆည် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးထိုက်ထိုက်ဇော်၊ ကျောက်ဆည်အသင်း (ရန်ကုန်) ဥက္ကဋ္ဌ အငြိမ်းစား ဗိုလ်မှူးကြီး မျိုးမြင့်နှင့် မြို့မိမြို့ဖ ဦးကျော်ထူးတို့က ဖဲကြိုးဖြတ်ဖွင့်လှစ်ပေးသည်။

သက်မောင်(ကျောက်ဆည်)