ပဲခူးတိုင်းဒေသကြီး၊ ပဲခူးမြို့တွင် ပဲခူးမြစ်ရေမြင့်တက်မှုကြောင့် စာသင်ကျောင်းများအတွင်း ရေဝင်ရောက်မှုဖြစ်ပွားခဲ့ပြီး ရေပြန်လည်ကျဆင်းသွားသဖြင့် တင်ကျန်ခဲ့သော နုန်းမြေများနှင့် အမှိုက်များအား သန့်ရှင်းရေးပြုလုပ်ဆောင်ရွက်မှု

ပဲခူးတိုင်းဒေသကြီး၊ ပဲခူးမြို့တွင် ပဲခူးမြစ်ရေမြင့်တက်မှုကြောင့် စာသင်ကျောင်းများအတွင်း ရေဝင်ရောက်မှုဖြစ်ပွားခဲ့ပြီး ရေပြန်လည်ကျဆင်းသွားသဖြင့် တင်ကျန်ခဲ့သော နုန်းမြေများနှင့် အမှိုက်များအား သန့်ရှင်းရေးပြုလုပ်ဆောင်ရွက်မှု

     ပဲခူးတိုင်းဒေသကြီး၊ ပဲခူးမြို့တွင် မိုးသည်းထန်စွာရွာသွန်း၍ ပဲခူးမြစ်ရေမြင့်တက်မှုကြောင့် ရေဝင်ရောက်မှုဖြစ်ပွားခဲ့ပြီး ၂၀၂၄ ခုနှစ်၊ ဩဂုတ် ၇ ရက်တွင် ရေပြန်လည်ကျဆင်းသွားသဖြင့် ပဲခူးမြို့၊ ဇိုင်းဂနိုင်းမြောက်ပိုင်းရပ်ကွက်ရှိ အမှတ်(၄)အခြေခံပညာအထက်တန်းကျောင်း၊ ဇိုင်းဂနိုင်းတောင်ပိုင်းရပ်ကွက်ရှိ ဖောင်တော်ဦး အခြေခံပညာအလယ်တန်းကျောင်း(ခွဲ)နှင့် ဥဿာမြို့သစ်၊ ရပ်ကွက်ကြီး(၇)ရှိ အမှတ်(၁၀)အခြေခံပညာအထက်တန်းကျောင်းတို့တွင် တင်ကျန်ခဲ့သော နုန်းမြေများနှင့် အမှိုက်များအား နံနက် ၉ နာရီတွင် ပဲခူးတိုင်းဒေသကြီးမီးသတ်ဦးစီးမှူးရုံး ကွပ်ကဲမှုအောက်ရှိ ခရိုင်၊ မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် သက်ဆိုင်ရာအဖွဲ့အစည်းများနှင့် ပူးပေါင်း၍ သန့်ရှင်းရေးလုပ်ငန်းများ သွားရောက်ကူညီဆောင်ရွက်ခဲ့ရာ မွန်းလွဲ ၃ နာရီတွင် ပြီးစီးခဲ့ကြောင်း သတင်းရရှိပါသည်၊၊