ပဲခူးတိုင်းဒေသကြီး၊ သာယာဝတီမြို့နယ်၌ ဆိုင်ကယ်ဖြင့် ရထားလမ်းအားဖြတ်ကူးစဉ် ရထားနှင့်တိုက်မိ၍ ဆိုင်ကယ်မောင်းနှင်သူ အမျိုးသမီး တစ်ဦး ဒဏ်ရာရ

ပဲခူးတိုင်းဒေသကြီး၊ သာယာဝတီမြို့နယ်၌ ဆိုင်ကယ်ဖြင့် ရထားလမ်းအားဖြတ်ကူးစဉ် ရထားနှင့်တိုက်မိ၍ ဆိုင်ကယ်မောင်းနှင်သူ အမျိုးသမီး တစ်ဦး ဒဏ်ရာရ

     ၂၀၂၅ ခုနှစ်၊ ဖေဖော်ဝါရီ ၉ ရက်က ပဲခူးတိုင်းဒေသကြီး၊ သာယာဝတီမြို့နယ်၌ ဆိုင်ကယ်ဖြင့် ရထားလမ်းအား ဖြတ်ကူးမောင်းနှင်စဉ် ရထားနှင့်တိုက်မိ၍ ဆိုင်ကယ်မောင်းနှင်သူ အမျိုးသမီး တစ်ဦး ဒဏ်ရာရရှိခဲ့ကြောင်း သိရသည်။
     ဖြစ်စဉ်မှာ ၂၀၂၅ ခုနှစ်၊ ဖေဖော်ဝါရီ ၉ ရက် နံနက် ၁၁ နာရီတွင် ပဲခူးတိုင်းဒေသကြီး၊ သာယာဝတီ မြို့နယ်၊ သုံးဆယ်ဘူတာနှင့် သာယာဝတီဘူတာကြား မီးရထားမိုင်တိုင် အမှတ် ၆၇ မိုင် ၁၇ ဖာလုံနှင့် ၁၈ ဖာလုံကြား တံတားပြာရထားလမ်းကူးတွင် ရထားနှင့်ဆိုင်ကယ်တိုက်မှုဖြစ်ပွားကြောင်း သတင်းအရ သုံးဆယ်နယ်မြေရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ သုံးဆယ်မြို့၊ စံရွေးကျေးရွာနေ မနှင်းနုဝေ(၃၀)နှစ်သည် သုံးဆယ်မြို့မှ စံရွေးကျေးရွာသို့ ဆိုင်ကယ်ဖြင့် တစ်ဦးတည်း မောင်းနှင်လာပြီး အခင်းဖြစ်နေရာအရောက် ရထားလမ်းအားဖြတ်ကူးမောင်းနှင်စဉ် ရန်ကုန်မြို့မှ ပြည်မြို့သို့ မောင်းနှင်လာသော အမှတ်(၇၁) အဆန် ရန်ကုန်-ပြည်အမြန်ရထားမှ ဆိုင်ကယ် ဝဲဘက်ခြမ်းအား ပွတ်တိုက်ခဲ့သဖြင့် မနှင်းနုဝေတွင် ဒဏ်ရာများရရှိခဲ့သောကြောင့် ၎င်းအား သုံးဆယ်နယ်မြေရဲစခန်း (ပ)၂၅/၂၀၂၅၊ ရထားပို့ဆောင်ရေးလုပ်ငန်းဥပဒေ ပုဒ်မ ၈၅ ဖြင့် အမှုဖွင့်အရေးယူထားကြောင်း သတင်းရရှိသည်။