ပြည်ထောင်စုစာရင်းစစ်ချုပ်ရုံး ဝန်ထမ်းမိသားစုများ၏ စတုတ္ထအကြိမ်မြောက် မြန်မာ့ရိုးရာထမနဲထိုးပြိုင်ပွဲကျင်းပခြင်း

ပြည်ထောင်စုစာရင်းစစ်ချုပ်ရုံး ဝန်ထမ်းမိသားစုများ၏ စတုတ္ထအကြိမ်မြောက် မြန်မာ့ရိုးရာထမနဲထိုးပြိုင်ပွဲကျင်းပခြင်း

ပြည်ထောင်စုစာရင်းစစ်ချုပ်ရုံး ဝန်ထမ်းမိသားစုများ၏ စတုတ္ထအကြိမ်မြောက် မြန်မာ့ရိုးရာ ထမနဲထိုးပြိုင်ပွဲကို ၁၁-၂-၂၀၂၅ ရက်နေ့ နံနက် ၈ နာရီတွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ အဆင့်မြင့်စာရင်းကိုင်နှင့် စာရင်းစစ်သင်တန်းကျောင်းအနီး ရင်ပြင်ကျယ်၌ ကျင်းပခဲ့သည်။

အခမ်းအနားသို့ ပြည်ထောင်စုစာရင်းစစ်ချုပ် ဒေါက်တာခင်နိုင်ဦး၊ ဒုတိယစာရင်းစစ်ချုပ်၊ အမြဲတမ်းအတွင်းဝန်နှင့် တာဝန်ရှိသူများ၊ အရာထမ်း၊ အမှုထမ်းများ စုံညီစွာ တက်ရောက်ကြပြီး မြန်မာ့သနပ်ခါးယဉ်ကျေးမှုဓလေ့ကို UNESCO ၏ လူသားမျိုးနွယ်ကိုယ်စားပြု ဒြပ်မဲ့ယဉ်ကျေးမှု အမွေအနှစ် စာရင်းတင်သွင်းခြင်းကို ဂုဏ်ပြုသည့်အနေဖြင့် သနပ်ခါးများလိမ်းခြယ်၍ ပျော်ရွှင်စွာ ပါဝင်ဆင်နွှဲခဲ့ကြသည်။

ဦးစွာ ပြည်ထောင်စုစာရင်းစစ်ချုပ်က မြန်မာ့ရိုးရာယဉ်ကျေးမှု အစဉ်အလာကောင်းကို လက်ဆင့်ကမ်းထိန်းသိမ်းစောင့်ရှောက်ရန်နှင့် ဝန်ထမ်းများစည်းလုံးညီညွတ်စွာဖြင့် ပူးပေါင်းဆောင်ရွက်တတ်စေရန် ရည်ရွယ်၍ ထမနဲထိုးပြိုင်ပွဲကို ကျင်းပပြုလုပ်ရခြင်းဖြစ်ပါကြောင်း၊ ထမနဲထိုးခြင်းသည် ဘာသာတရားကိုင်းရှိုင်းမှု၊ ယဉ်ကျေးသိမ်မွေ့မှု၊ ညီညွတ်မှု၊ စည်းလုံးမှု၊ ချစ်ကြည်မှုတို့၏ ပြယုဂ်တစ်ခုဖြစ်ပြီး ကြိုတင်ပြင်ဆင်မှု၊ စုစည်းနိုင်မှု၊ ညွှန်ကြားပြသမှု၊ ထိန်းချုပ်နိုင်မှုစသည့် စီမံခန့်ခွဲ ကြီးကြပ်ကွပ်ကဲနိုင်မှုကို ဖော်ညွှန်းပြသနေသည့် မြန်မာတို့၏ ချစ်စရာကောင်းသည့် အလေ့အထလည်းဖြစ်ပါကြောင်း၊ သို့ပါ၍ ပြိုင်ပွဲဝင်အသင်းသားများအနေဖြင့် ချမှတ်ထားသည့် စည်းကမ်းချက်များကို သေချာသိရှိလိုက်နာပြီး ဇွဲ၊ လုံ့လ၊ အားမာန်အပြည့်ဖြင့် သန့်သန့်ရှင်းရှင်း တက်ကြွပျော်ရွှင်စွာ ယှဉ်ပြိုင်ဆင်နွှဲကြစေလိုပါကြောင်း တိုက်တွန်းပြောကြားခဲ့သည်။

ထို့နောက် ပြည်ထောင်စုစာရင်းစစ်ချုပ်၊ တာဝန်ရှိသူများက ပြည်ထောင်စုစာရင်းစစ်ချုပ်ရုံးအဖွဲ့၊ စစ်ဆေးရေးဦးစီးဌာန၊ နည်းပညာဖွံ့ဖြိုးရေးနှင့်လေ့ကျင့်ရေးဦးစီး ဌာနနှင့် စီမံရေးရာဦးစီးဌာန စသည့် ပြိုင်ပွဲဝင်အသင်း (၄) သင်း၏ မြန်မာ့ရိုးရာယဉ်ကျေးမှု အစဉ်အလာအတိုင်း တပျော်တပါး ထမနဲထိုးယှဉ်ပြိုင်နေမှုကို လိုက်လံကြည်ရှုအားပေးခဲ့ကြသည်။

ယင်းနောက် ပြည်ထောင်စုစာရင်းစစ်ချုပ်၊ ဒုတိယစာရင်းစစ်ချုပ်နှင့် တာဝန်ရှိသူများသည် ဝန်ထမ်းမိသားစုများ စုပေါင်းထမင်းနဲထိုးပြိုင်ပွဲတွင် ဆုရရှိသည့်အသင်းများကို ဂုဏ်ပြုဆုငွေနှင့် လက်ဆောင်ပစ္စည်းများ ပေးအပ်ချီးမြှင့်ခဲ့ကြသည်။