ပြည်ထောင်စုနယ်မြေ၊ နေပြည်တော်၊ ဒက္ခိဏသီရိမြို့နယ်၌ ယာဉ်တိုက်မှုဖြစ်ပွား၍ အမျိုးသား နှစ်ဦးနှင့် အမျိုးသမီး သုံးဦး ထိခိုက်ဒဏ်ရာရရှိ

ပြည်ထောင်စုနယ်မြေ၊ နေပြည်တော်၊ ဒက္ခိဏသီရိမြို့နယ်၌ ယာဉ်တိုက်မှုဖြစ်ပွား၍ အမျိုးသား နှစ်ဦးနှင့် အမျိုးသမီး သုံးဦး ထိခိုက်ဒဏ်ရာရရှိ

   ၂၀၂၅ ခုနှစ်၊ ဩဂုတ် ၂၅ ရက်က ပြည်ထောင်စုနယ်မြေ၊ နေပြည်တော်၊ ဒက္ခိဏသီရိ မြို့နယ်၌ ယာဉ်တိုက်မှုဖြစ်ပွား၍ အမျိုးသား နှစ်ဦးနှင့် အမျိုးသမီး သုံးဦး ထိခိုက်ဒဏ်ရာ ရရှိခဲ့ကြောင်း သိရသည်။

  ဖြစ်စဉ်မှာ ဩဂုတ် ၂၅ ရက် နံနက် ၁၀ နာရီ ၂၀ မိနစ်တွင် ပြည်ထောင်စုနယ်မြေ၊ နေပြည်တော်၊ ဒက္ခိဏသီရိမြို့နယ်၊ ရွှေပြည်တော်ဝင်လမ်းနှင့် ရှုမဝလမ်းဆုံ၌ ယာဉ်တိုက်မှုဖြစ်ပွားကြောင်း သတင်းအရ ဒက္ခိဏသီရိမြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ရှုမဝလမ်းအတိုင်း “Perfect Life” မူကြိုကျောင်းဘက်မှ “ရန်အောင်မြင်” ဂေါက်ကွင်းဘက်သို့ ဒက္ခိဏသီရိမြို့နယ်၊ ဒက္ခိဏသီရိရပ်ကွက်နေ ရန်နောင်လင်း(၄၈)နှစ် မောင်းနှင်လာသည့် YGN-17/ 5H-XXXX TOYOTA LANCRUISER မော်တော်ယာဉ်သည် အခင်းဖြစ်နေရာအရောက်၌ ရွှေပြည်တော်ဝင် လမ်းပေါ်သို့ ဖြတ်သန်းမောင်းနှင်စဉ် စီလမ်းဆုံဘက်မှ ကံ့ကော်ပန်းအဝိုင်းဘက်သို့ ရန်ကုန်တိုင်းဒေသကြီး၊ မင်္ဂလာဒုံမြို့နယ်နေ ဒေါ်သောင်းသောင်းဦး(၅၃)နှစ် မောင်းနှင်ပြီး ရန်ကုန်တိုင်းဒေသကြီး၊ အင်းစိန်မြို့နယ်၊ ပိန္နဲကုန်းရပ်ကွက်နေ ဒေါ်ထားထားဦး(၅၂)နှစ်ပါ အမျိုးသား နှစ်ဦးနှင့် အမျိုးသမီး သုံးဦး လိုက်ပါလာသည့် YGN-41/9G-XXXX TOYOTA LANCRUISER PRADO မော်တော်ယာဉ်အား အရှိန်မထိန်းနိုင်ဘဲ ဝင်ရောက်တိုက်မိခဲ့ရာ ဒေါ်သောင်းသောင်းဦးပါ ငါးဦးတွင် ထိခိုက်ဒဏ်ရာများ အသီးသီးရရှိခဲ့သောကြောင့် ရန်နောင်လင်း အား ဒက္ခိဏသီရိမြို့မရဲစခန်း ယာဉ်(ပ)၃/၂၀၂၅၊ ရာဇသတ်ကြီးပုဒ်မ ၃၃၈/၃၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။