ပြည်ထောင်စုနယ်မြေ၊ နေပြည်တော်၊ ဒက္ခိဏသီရိမြို့နယ်၌ ယာဉ်တိုက်မှုဖြစ်ပွား၍ အမျိုးသား သုံးဦး ထိခိုက်ဒဏ်ရာရရှိ

ပြည်ထောင်စုနယ်မြေ၊ နေပြည်တော်၊ ဒက္ခိဏသီရိမြို့နယ်၌ ယာဉ်တိုက်မှုဖြစ်ပွား၍ အမျိုးသား သုံးဦး ထိခိုက်ဒဏ်ရာရရှိ

    ၂၀၂၆ ခုနှစ်၊ ဇန်နဝါရီ ၆ ရက်က ပြည်ထောင်စုနယ်မြေ၊ နေပြည်တော်၊ ဒက္ခိဏသီရိမြို့နယ်၌ ယာဉ်တိုက်မှုဖြစ်ပွား၍ အမျိုးသား သုံးဦး ထိခိုက်ဒဏ်ရာရရှိခဲ့ကြောင်း သိရသည်။

    ဖြစ်စဉ်မှာ ဇန်နဝါရီ ၆ ရက် မွန်းလွဲ ၂ နာရီ ၁၅ မိနစ်တွင် ပြည်ထောင်စုနယ်မြေ၊ နေပြည်တော်၊ ဒက္ခိဏသီရိမြို့နယ်၊ ဝေဒလမ်းနှင့် အာသာဝတီလမ်းဆုံ၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၁)ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ ဝေဒလမ်းအတိုင်း မြောက်မှ တောင်သို့ ဒက္ခိဏသီရိမြို့နယ်၊ ရဲဒီကျေးရွာနေ ကျော်လင်းစိုး(၃၀)နှစ် မောင်းနှင်လာသော NPW-8/5C-XXXX NISSAN မော်တော်ယာဉ်နှင့် အာသာဝတီလမ်းအတိုင်း အနောက်မှ အရှေ့သို့ လယ်ဝေးမြို့နယ်၊ အမှတ်(၃)ရပ်ကွက်နေသူများဖြစ်သည့် ပိုင်ဖြိုးဝေ(၃၀)နှစ် မောင်းနှင်ပြီး သန်းဇော်ဝင်း(၃၂)နှစ်နှင့် ဇော်ဝင်းဦး(၄၅)နှစ်တို့ လိုက်ပါစီးနင်းလာသော NPW/ 58W-XXXX WUYANG HONDA ဆိုင်ကယ်တို့ အခင်းဖြစ်နေရာ၌ ဝင်ရောက်တိုက်မိခဲ့သဖြင့် ပိုင်ဖြိုးဝေ၊ သန်းဇော်ဝင်းနှင့် ဇော်ဝင်းဦးတို့ သုံးဦးတွင် ထိခိုက်ဒဏ်ရာများ အသီးသီးရရှိခဲ့သောကြောင့် ကျော်လင်းစိုးနှင့် ပိုင်ဖြိုးဝေတို့ နှစ်ဦးအား ဒက္ခိဏသီရိမြို့မရဲစခန်း ယာဉ်(ပ) ၁/၂၀၂၆၊ ရာဇသတ်ကြီး ပုဒ်မ ၃၃၇/၃၃၈ ဖြင့် အမှုဖွင့်အရေးယူထားကြောင်း သတင်းရရှိပါသည်။