ပြည်ပနိုင်ငံများမှ ရောက်ရှိလာသော လူသားချင်းစာနာထောက်ထားမှုဆိုင်ရာပစ္စည်းများအား လွှဲပြောင်းပေးအပ်

ပြည်ပနိုင်ငံများမှ ရောက်ရှိလာသော လူသားချင်းစာနာထောက်ထားမှုဆိုင်ရာပစ္စည်းများအား လွှဲပြောင်းပေးအပ်

နေပြည်တော် ဧပြီ ၁၃

မြန်မာနိုင်ငံတွင် မတ်လ ၂၈ ရက်ကလှုပ်ခတ်ခဲ့သော မန္တလေးမြေငလျင်ကြီးကြောင့် ထိခိုက်ဆုံးရှုံးမှုများဖြစ်ပေါ်ခဲ့သည့် ငလျင်ဒဏ်သင့်ပြည်သူများအတွက် ပြည်ပနိုင်ငံများမှ လူသားချင်းစာနာထောက်ထားမှုဆိုင်ရာ အကူအညီပစ္စည်းများ ပေးပို့လျက်ရှိရာ ဧပြီ ၁၂ ရက်နေ့ ညနေပိုင်းတွင်ရောက်ရှိသော စင်္ကာပူနိုင်ငံမှ ဘီစကစ်များ၊ ရေသန့်များ၊ အိမ်သုံးဆေးများ၊ စုစုပေါင်း ၁၉၇ kg ကိုလည်းကောင်း၊ မလေးရှားနိုင်ငံမှပေးပို့သော အဝတ်အထည်များ၊ အစားအစာများ၊ စုစုပေါင်း ၄၇၃၄ kg ကိုလည်းကောင်း ယနေ့တွင်ရောက်ရှိသော တရုတ်နိုင်ငံ (ကူမင်း)မြို့မှပေးပို့သော မိုးကာတဲများ၊ Sleeping Bus များ၊ စုစုပေါင်း ၇၇၃၀ kg ကိုလည်းကောင်း၊ တရုတ်နိုင်ငံ (နန်နင်း)မြို့မှပေးပို့သော ဆေးဝါးများ၊ အဝတ်အထည်များ၊ ခြင်ထောင်များ၊ စုစုပေါင်း ၂၆၂၈ kg တို့အား နိုင်ငံခြားရေးဝန်ကြီးဌာန၊ မဟာဗျူဟာလေ့လာရေးနှင့်လေ့ကျင့်ရေးဦးစီးဌာနမှ တာဝန်ရှိသူများက လွှဲပြောင်းပေးအပ်ရာ လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲရေးဦးစီးဌာနမှ ညွှန်ကြားရေးမှူး ဦးသန်းစိုးနှင့် တာဝန်ရှိသူများက လက်ခံရယူကာ မော်တော်ယာဉ်များပေါ်သို့တင်ဆောင်ပြီး ငလျင်ဒဏ်သင့်ဒေသများသို့ ရန်ကုန်တိုင်းဒေသကြီးအစိုးရအဖွဲ့၏ကြီးကြပ်မှုဖြင့် ဆက်လက်ပို့ဆောင်ပေးသွားမည်ဖြစ်ကြောင်း သတင်ရရှိသည်။