ဘားအံမြို့ ဒီဇင်ဘာလူထုအားကစားလမ်းလျှောက်ပွဲ ပါဝင်ဆင်နွှဲသူကြများစည်ကားများပြား

ဘားအံမြို့ ဒီဇင်ဘာလူထုအားကစားလမ်းလျှောက်ပွဲ ပါဝင်ဆင်နွှဲသူကြများစည်ကားများပြား

ဘားအံ-ဒီဇင်ဘာ (၇)

ကိုယ်လက်လှုပ်ရှားအားကစား ကျန်းမာရေးလေ့ကျင့်ခန်းများဆောင်ရွက်ခြင်းဖြင့် တစ်ဦးတစ်ယောက်ချင်းစီ မှသည် တစ်မျိုးသားလုံးကျန်းမာကြံ့ခိုင်စေရန် ရည်ရွယ်၍ ဒီဇင်ဘာလူထုအားကစားလဒုတိယအပတ် စုပေါင်းလူထု လမ်းလျှောက်ပွဲကို ဒီဇင်ဘာလ ၁၄ ရက်နေ့ နံနက် ၅ နာရီခွဲက ဘားအံမြို့၊ သီရိကွင်းရှေ့၌ ကျင်းပသည်။

လူထုစုပေါင်းလမ်းလျှောက်ပွဲသို့ ကရင်ပြည်နယ်ဝန်ကြီးချုပ်ဦးစောမြင့်ဦး၊ ပြည်နယ်အမျိုးသမီးရေးရာအဖွဲ့ နာယကနှင့်အဖွဲ့ဝင်များ၊ ပြည်နယ်တရားလွှတ်တော်တရား သူကြီးချုပ်ဒေါ်ခင်ဆွေထွန်း၊ ပြည်နယ်အစိုးရအဖွဲ့ဝင်များ၊ ဌာနဆိုင်ရာဝန်ထမ်းများ၊ ဘားအံတက္ကသိုလ်၊ ပညာရေးဒီဂရီ ကောလိပ်နှင့်အခြေခံပညာကျောင်းများမှ ကျောင်းသား၊ကျောင်းသူ၊ဆရာ၊ဆရာမများ၊ ဘားအံမြို့ပေါ်ရပ်ကွက်များရှိ ဒေသခံတိုင်းရင်းသားပြည်သူများ စုစုပေါင်းအင်အား ၂၃၇၀ ဦးတို့သည် စုရပ်ဖြစ်သော သီရိလမ်း၊ ဝန်ကြီးများအိမ်ရာ ရှေ့မှ နန်းလုံးကြိုင်လမ်း၊ ဖားမဲတောင်သဘာဝဥယျာဉ်၊ ဘားအံ-ထုံးအိုင်လမ်း၊ ဘားအံမြို့ပတ်လမ်း၊ သီရိလမ်းမှ တစ်ဆင့်သီရိကွင်းအတွင်းသို့ ပျော်ရွှင်စွာစုပေါင်းလမ်းလျှောက်ခဲ့ကြပြီး သီရိကွင်းအတွင်း၌ အကြောလျှော့လေ့ကျင့်ခန်း များစုပေါင်းဆောင်ရွက်၍ ကိုယ်လက်ကြံခိုင်ရေးလေ့ကျင့်ခန်း အစီအစဉ် အတွဲအမှတ်(၁)နှင့် အမှတ်(၂)တို့ကို ဆောင်ရွက်ခဲ့ကြသည်။

လူထုစုပေါင်းလမ်းလျှောက်ပွဲသို့ ပါဝင်ယှဉ်နွဲသူများအား ပြည်နယ်လမ်းဦးစီးဌာနမှ နံနက်စာကောက်ညှင်း ပေါင်းဖြင့် တည်ခင်းဧည့်ခံခဲ့ပြီး အမျိုးသား၊ အမျိုးသမီး သံလုံးပစ်ပြိုင်ပွဲ၊ Small Goal သွင်းပြိုင်ပွဲတို့ကိုလည်း ထည့်သွင်းကျင်းပခဲ့ရာ ပြည်နယ်ဝန်ကြီးချုပ်နှင့်တာဝန်ရှိသူများက ကြည့်ရှုအားပေးခဲ့ပါသည်။