မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ ၁၁၄ x ၁၁၅ ကြား၊ ရန်မန်းလမ်းသွယ်(၈)၊ ချမ်းမြသာယာ ရပ်ကွက်ရှိ နေအိမ်မီးလောင်မှု

မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ ၁၁၄ x ၁၁၅ ကြား၊ ရန်မန်းလမ်းသွယ်(၈)၊ ချမ်းမြသာယာ ရပ်ကွက်ရှိ နေအိမ်မီးလောင်မှု

     ၂၀၂၅ ခုနှစ်၊ ဖေဖော်ဝါရီ ၇ ရက် မွန်းလွဲ ၂ နာရီ ၁ မိနစ်ခန့်က မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ ၁၁၄ x ၁၁၅ ကြား၊ ရန်မန်းလမ်းသွယ်(၈)၊ ချမ်းမြသာယာရပ်ကွက်ရှိ ပိုင်ရှင် ဦးလှဝင်းထွဋ်၏ ၁၅ x ၁၅ ပေ၊ သွပ်မိုး၊ ထရံကာ၊ အထပ်သားခင်း တစ်ထပ်နေအိမ်တွင် အားသွင်းပန်ကာ အားသွင်းထားရာမှ အပူလွန်ကဲပြီး အနီးရှိထရံသို့ မီးကူးစက်လောင်ကျွမ်းမှုဖြစ်ပွားကြောင်း သတင်း ရရှိသဖြင့် ပြည်ကြီးတံခွန်မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ၁၁ စီးဖြင့်  မီးငြှိမ်းသတ်ခဲ့ရာ မွန်းလွဲ ၂ နာရီ ၁၅ မိနစ်တွင် မီးငြိမ်းခဲ့ပါသည်။
    အဆိုပါမီးလောင်မှုကြောင့် ၁၅ x ၁၅ ပေ၊ သွပ်မိုး၊ ထရံကာ၊ အထပ်သားခင်း တစ်ထပ် နေအိမ် တစ်လုံးနှင့် ၃၅ x ၁၀ ပေ၊ RC နှစ်ထပ်နေအိမ်၏ အပေါ်ထပ်ရှိ အလူမီနီယမ်တံခါး ခြောက်ချပ်တို့ မီးလောင်ဆုံးရှုံးခဲ့ပြီး ပိုင်ရှင် ဦးလှဝင်းထွဋ်အား ပြည်ကြီးတံခွန်မြို့နယ်၊ မြို့မရဲစခန်းမှ အမှုဖွင့်အရေးယူ ထားကြောင်း သတင်းရရှိပါသည်။