မန္တလေးတိုင်းဒေသကြီး၊ ပြင်ဦးလွင်မြို့နယ်၌ ယာဉ်တိုက်မှုဖြစ်ပွားပြီး အမျိုးသမီး တစ်ဦး မော်တော်ယာဉ်ပေါ်မှ ပြုတ်ကျသေဆုံး

မန္တလေးတိုင်းဒေသကြီး၊ ပြင်ဦးလွင်မြို့နယ်၌ ယာဉ်တိုက်မှုဖြစ်ပွားပြီး အမျိုးသမီး တစ်ဦး မော်တော်ယာဉ်ပေါ်မှ ပြုတ်ကျသေဆုံး

     ၂၀၂၅ ခုနှစ်၊ ဩဂုတ် ၁၂ ရက်က မန္တလေးတိုင်းဒေသကြီး၊ ပြင်ဦးလွင်မြို့နယ်၌ ယာဉ်တိုက်မှု ဖြစ်ပွားပြီး အမျိုးသမီး တစ်ဦး မော်တော်ယာဉ်ပေါ်မှ ပြုတ်ကျသေဆုံးခဲ့ကြောင်း သိရသည်။

     ဖြစ်စဉ်မှာ ဩဂုတ် ၁၂ ရက် ညနေ ၄ နာရီတွင် မန္တလေးတိုင်းဒေသကြီး၊ ပြင်ဦးလွင်မြို့နယ်၊ ပြင်စာကျေးရွာ၊ ပြင်ဦးလွင်-မန္တလေးကားလမ်း မိုင်တိုင်အမှတ် ၂၆ မိုင် ၄ ဖာလုံ၌ ယာဉ်တိုက်မှု ဖြစ်ပွားကြောင်း သတင်းအရ ပြင်စာနယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ပြင်ဦးလွင်မြို့နယ်၊ မိုင်းလုံးကျေးရွာနေ ဉာဏ်မင်းထက်(၂၀)နှစ် မောင်းနှင်လာသည့် MDY-16/ 7M-XXXX VOLKSWAGEN GOLF အဖြူရောင်မော်တော်ယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ လားရာတူရှေ့မှ မန္တလေးတိုင်းဒေသကြီး၊ မဟာအောင်မြေမြို့နယ်၊ ရဲမွန်တောင် ရပ်ကွက်နေ ဦးညို(၅၇)နှစ် မောင်းနှင်ပြီး မန္တလေးတိုင်းဒေသကြီး၊ ပုသိမ်ကြီးမြို့နယ်၊ ကျောက်ချော ကျေးရွာနေသူများဖြစ်ကြသည့် ဒေါ်အေးအေးသင်း(၅၃)နှစ်၊ ဒေါ်မျိုးသူရ(၃၄)နှစ်နှင့် မန္တလေးတိုင်း ဒေသကြီး၊ ချမ်းမြသာစည်မြို့နယ်၊ အောင်သာယာရပ်ကွက်နေ ဒေါ်ခိုင်ခိုင်လင်း(၃၃)နှစ်တို့ လိုက်ပါလာသော MDY-15/4J-XXXX LIGHT TRUCK အဖြူရောင်မော်တော်ယာဉ်အား နောက်မှ ဝင်ရောက်တိုက်မိခဲ့သဖြင့် ဒေါ်အေးအေးသင်းမှာ မော်တော်ယာဉ်ပေါ်မှ ပြုတ်ကျပြီး ထိခိုက် ဒဏ်ရာများရရှိကာ သေဆုံးသွားခဲ့သောကြောင့် ဉာဏ်မင်းထက် အား ပြင်စာနယ်မြေရဲစခန်း ယာဉ်(ပ)၁၄ /၂၀၂၅၊ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။