မွန်ပြည်နယ်ရှိ မြို့နယ်အချို့၌ လိုင်စင်မဲ့ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူ

မွန်ပြည်နယ်ရှိ မြို့နယ်အချို့၌ လိုင်စင်မဲ့ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူ

     မွန်ပြည်နယ်အတွင်းရှိ မြို့နယ်အချို့၌ လိုင်စင်မဲ့ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ၂၀၂၅ ခုနှစ်၊ ဩဂုတ် ၁၅ ရက် နံနက် ၈ နာရီ ၄၅ မိနစ်တွင် ဘီးလင်းမြို့နယ်အတွင်း လိုင်စင်မဲ့ဆိုင်ကယ် လက်ဝယ်ထားစီးနင်းသူ တောင်စွန်းကျေးရွာနေ မျိုးလွင်(၅၁)နှစ်အား လည်းကောင်း၊ မွန်းလွဲ ၂ နာရီ ၅ မိနစ်တွင် ပေါင်မြို့နယ်အတွင်း လိုင်စင်မဲ့ဆိုင်ကယ် လက်ဝယ်ထားစီးနင်းသူ ကဒါရပ်ကွက်နေ အေးလွင်(၄၀)နှစ်အား လည်းကောင်း၊ မွန်းလွဲ ၃ နာရီ ၅ မိနစ်တွင် သထုံမြို့နယ်အတွင်း လိုင်စင်မဲ့ဆိုင်ကယ် လက်ဝယ်ထားစီးနင်းသူ တောကြီးကျေးရွာနေ လှမြင့်(၅၅)နှစ်နှင့် လိပ်အင်းရပ် ကွက်နေ သန့်ဇင်အောင်(၂၅)နှစ်တို့အား လည်းကောင်း၊ မွန်းလွဲ ၃ နာရီ ၂၀ မိနစ်တွင် ကျိုက်ထိုမြို့နယ်အတွင်း လိုင်စင်မဲ့ဆိုင်ကယ် လက်ဝယ်ထားစီးနင်းသူ ဇီးပြောင်း(၁) ကျေးရွာနေ သိန်းဇော်မိုး (ခ)ဇော်မိုး(၅၀)နှစ်နှင့် ကျိုက်ပိကျေးရွာနေ ကျော်စွာ(၂၈)နှစ်တို့အား လည်းကောင်း။

     အလားတူ ညနေ ၆ နာရီ ၅၀ မိနစ်တွင် သံဖြူဇရပ်မြို့နယ်အတွင်း လိုင်စင်မဲ့ဆိုင်ကယ် လက်ဝယ်ထားစီးနင်းသူ အောင်ကုသိုလ်ရပ်ကွက်နေ ရဲမင်းနိုင်(၃၄)နှစ်အား လည်းကောင်း၊ ည ၇ နာရီ ၄၅ မိနစ်တွင် မော်လမြိုင်မြို့နယ်အတွင်း လိုင်စင်မဲ့ဆိုင်ကယ် လက်ဝယ်ထားစီးနင်းသူ မြသီတာရပ်ကွက်နေ ရဲမင်းဦး(၂၅)နှစ်အား လည်း ကောင်း ဖမ်းဆီးရမိခဲ့သဖြင့် မျိုးလွင်ပါ ၈ ဦးတို့အား သက်ဆိုင်ရာရဲစခန်းများ၌ ပို့ကုန်သွင်းကုန်ဥပဒေပုဒ်မ ၈ ဖြင့် အသီးသီး အမှုဖွင့်အရေးယူထားကြောင်း သတင်းရရှိသည်။