မွန်ပြည်နယ်အတွင်းရှိ မြို့နယ်အချို့၌ လိုင်စင်မဲ့ မော်တော်ဆိုင်ကယ်များ ဖမ်းဆီးအရေးယူ

မွန်ပြည်နယ်အတွင်းရှိ မြို့နယ်အချို့၌ လိုင်စင်မဲ့ မော်တော်ဆိုင်ကယ်များ ဖမ်းဆီးအရေးယူ

     ၂၀၂၅ ခုနှစ်၊ ဇူလိုင် ၁၀ ရက်က မွန်ပြည်နယ်အတွင်းရှိ မြို့နယ်အချို့၌ လိုင်စင်မဲ့ မော်တော်ဆိုင်ကယ်များ ဖမ်းဆီးအရေးယူထားကြောင်း သိရသည်။
    ဖြစ်စဉ်မှာ ဇူလိုင် ၁၀ ရက် နံနက် ၈ နာရီ ၃၀ မိနစ်တွင် မွန်ပြည်နယ်၊ ဘီးလင်းမြို့နယ်၊ ကန်သာယာရပ်ကွက်၊ ရန်ကုန်-မော်လမြိုင်ကားလမ်းပေါ်၌ ဘီးလင်းမြို့မရဲစခန်းမှ တပ်ဖွဲ့ဝင်များ ပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် အဆိုပါရပ်ကွက်နေ တိုးတက်အောင်(ခ)ဖိုးတီလုံး(၃၀)နှစ်အား လိုင်စင်မဲ့ မော်တော်ဆိုင်ကယ် တစ်စီးဖြင့် လည်းကောင်း။
    အလားတူ နံနက် ၁၀ နာရီတွင် မွန်ပြည်နယ်၊ ပေါင်မြို့နယ်၊ မိုးနိုင်းရပ်ကွက်၊ ရတနာလမ်းထိပ်၌ ပေါင်မြို့မရဲစခန်းမှ တပ်ဖွဲ့ဝင်များက ယာဉ်စစ်ဆေးခြင်းများ ဆောင်ရွက်နေစဉ် အဆိုပါရပ်ကွက်နေ အောင်မင်းထိုက်(၃၇)နှစ်အား လိုင်စင်မဲ့ မော်တော်ဆိုင်ကယ် တစ်စီးဖြင့် လည်းကောင်း။
    ထို့အတူ နံနက် ၁၀ နာရီ ၁၀ မိနစ်တွင် မွန်ပြည်နယ်၊ မုဒုံမြို့နယ်၊ အမှတ်(၄)ရပ်ကွက် ကန်ကြီးပတ်လမ်း၌ မုဒုံမြို့မရဲစခန်းမှ တပ်ဖွဲ့ဝင်များက ယာဉ်စစ်ဆေးခြင်းများ ဆောင်ရွက်နေစဉ် မုဒုံမြို့၊ အမှတ်(၄)ရပ်ကွက်နေ မျိုးမင်းထွန်း(ခ)အငယ်ကောင်(၂၁)နှစ်နှင့် မုဒုံမြို့နယ်၊ ဘဲရမ်းကျေးရွာနေ ရဲထက်အောင်(၁၉)နှစ်တို့ နှစ်ဦးအား လိုင်စင်မဲ့ မော်တော်ဆိုင်ကယ် နှစ်စီးဖြင့် လည်းကောင်း။
    ထို့အတူ နံနက် ၁၀ နာရီ ၅၀ မိနစ်တွင် မွန်ပြည်နယ်၊ သံဖြူဇရပ်မြို့နယ်၊ သံဖြူဇရပ်မြို့မ ရဲစခန်းမှ တပ်ဖွဲ့ဝင်များက သံဖြူဇရပ်မြို့နယ်၊ ဝယ်သွန်ချောင်ကျေးရွာ၊ ရေး-သံဖြူဇရပ်ကားလမ်း ပငစစ်ဆေးရေးဂိတ်၌ ယာဉ်စစ်ဆေးခြင်းများ ဆောင်ရွက်နေစဉ် မုဒုံမြို့နယ်၊ ကမာဝက်မြို့နေ ကိုမျိုး (၄၆)နှစ်အား လိုင်စင်မဲ့ မော်တော်ဆိုင်ကယ် တစ်စီးဖြင့် လည်းကောင်း။
    ထို့အတူ နံနက် ၁၁ နာရီတွင် မွန်ပြည်နယ်၊ မော်လမြိုင်မြို့နယ်၊ ဇေယျာသီရိနယ်မြေရဲစခန်းမှ တပ်ဖွဲ့ဝင်များက မော်လမြိုင်မြို့၊ သာယာအေးရပ်ကွက်၊ သာယာအေးလမ်းဆုံမီးပွိုင့်၌ ယာဉ် စစ်ဆေးခြင်းများ ဆောင်ရွက်နေစဉ် ဇေယျာသီရိရပ်ကွက်နေ ဇင်မောင်မောင်(၃၀)နှစ်အား လိုင်စင်မဲ့ မော်တော်ဆိုင်ကယ် တစ်စီးဖြင့် လည်းကောင်း။
    ထို့အတူ မွန်းလွဲ ၁ နာရီ ၃၀ မိနစ်တွင် မွန်ပြည်နယ်၊ ကျိုက်ထိုမြို့နယ်၊ သိမ်ဇရပ်နယ်မြေ ရဲစခန်းမှ တပ်ဖွဲ့ဝင်များက သိမ်ဇရပ်မြို့၊ အမှတ်(၁)ရပ်ကွက်၊ ရန်ကုန်-မော်လမြိုင်ကားလမ်းပေါ်၌ ယာဉ်စစ်ဆေးခြင်းများ ဆောင်ရွက်နေစဉ် အမှတ်(၂)ရပ်ကွက်နေ ထွန်းနိုင်(ခ)ထွန်းထွန်းနိုင်(၂၄)နှစ်အား လိုင်စင်မဲ့ မော်တော်ဆိုင်ကယ် တစ်စီးဖြင့် လည်းကောင်း။
    ထို့အတူ မွန်းလွဲ ၃ နာရီ ၄၅ မိနစ်တွင် မွန်ပြည်နယ်၊ ချောင်းဆုံမြို့နယ်၊ ချောင်းဆုံမြို့မ ရဲစခန်းမှ တပ်ဖွဲ့ဝင်များက ချောင်းဆုံမြို့နယ်၊ ကမာမိုကျေးရွာအနီး၌ ယာဉ်စစ်ဆေးခြင်းများ ဆောင်ရွက်နေစဉ် ချောင်းဆုံမြို့နယ်၊ ဒရယ်ကျေးရွာနေ ဖြိုးမင်းဇော်(၂၉)နှစ်အား လိုင်စင်မဲ့ မော်တော်ဆိုင်ကယ် တစ်စီးဖြင့် လည်းကောင်း။
    ထို့အတူ ည ၈ နာရီ ၁၀ မိနစ်တွင် မွန်ပြည်နယ်၊ မော်လမြိုင်မြို့နယ်၊ မော်လမြိုင်မြို့မရဲစခန်းမှ တပ်ဖွဲ့ဝင်များက မော်လမြိုင်မြို့၊ မြေနီကုန်းရပ်ကွက်၊ မြို့ရှောင်လမ်း၌ ယာဉ်စစ်ဆေးခြင်းများ ဆောင်ရွက်နေစဉ် လှိုင်ရပ်ကွက်နေ ထွန်းဇော်ဝင်း(၃၂)နှစ်အား လိုင်စင်မဲ့ မော်တော်ဆိုင်ကယ် တစ်စီးဖြင့် လည်းကောင်း စစ်ဆေးတွေ့ရှိဖမ်းဆီးရမိခဲ့သဖြင့် တိုးတက်အောင်(ခ)ဖိုးတီလုံးပါ ကိုးဦးအား သက်ဆိုင်ရာရဲစခန်းအသီးသီး၌ ပို့ကုန်သွင်းကုန်ဥပဒေပုဒ်မ ၈ ဖြင့် အမှုဖွင့်အရေးယူ ထားကြောင်း သတင်းရရှိပါသည်။