မွန်ပြည်နယ်၊ ကျိုက်မရောမြို့နယ်၌ စိတ်ကြွရူးသွပ်ဆေးပြားနှင့် လက်နက်ခဲယမ်းများ ဖမ်းဆီးရမိ

မွန်ပြည်နယ်၊ ကျိုက်မရောမြို့နယ်၌ စိတ်ကြွရူးသွပ်ဆေးပြားနှင့် လက်နက်ခဲယမ်းများ ဖမ်းဆီးရမိ

     ၂၀၂၅ ခုနှစ်၊ ဩဂုတ် ၂ ရက် ညနေ ၅ နာရီ ၅၅ မိနစ်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ မွန်ပြည်နယ်၊ ကျိုက်မရောမြို့၊ အောင်သုခရပ်ကွက်၊ နန္ဒာလှိုင်လမ်းဆုံ၌ စောဖလှအောင်(ခ)စောလှအောင်(၃၂)နှစ် မောင်းနှင်ပြီး ဘောလုံး(၄၃)နှစ်နှင့် မလင်းအေး(ခ)မနှင်းအောင်(၂၈)နှစ်တို့ လိုက်ပါလာသည့် အိုးဝေယာဉ်အား ရပ်တန့်စစ်ဆေးရှာဖွေခဲ့ရာ ယာဉ်ပေါ်မှ ၎င်းတို့ သုံးဦး သယ်ဆောင်လာသည့် စိတ်ကြွရူးသွပ်ဆေးပြား ၂၀,၀၀၀ ပြား (တစ်ပြားလျှင် ငွေကျပ် ၃,၀၀၀ နှုန်းဖြင့် ဒေသကာလတန်ဖိုး ငွေကျပ် သိန်း ၆၀၀)နှင့် လက်လုပ်ကာဘိုင် သေနတ် တစ်လက်၊ LC-72 ကာဘိုင်ကျည် ၂၃ တောင့်၊ ကာဘိုင် ကျည်အိမ် တစ်ခု၊ လက်ပစ်ဗုံး သုံးလုံးတို့အား ဖမ်းဆီးရမိသဖြင့် စောဖလှအောင်(ခ)စောလှအောင်၊ ဘောလုံးနှင့် မလင်းအေး(ခ)မနှင်းအောင်တို့ သုံးဦးအား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများ ဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။