ရန်ကုန်တိုင်းဒေသကြီး၊ ကွမ်းခြံကုန်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး သုံးဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ ကွမ်းခြံကုန်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး သုံးဦး ထိခိုက်ဒဏ်ရာရရှိ

     ၂၀၂၅ ခုနှစ်၊ နိုဝင်ဘာ ၁၉ ရက်က ရန်ကုန်တိုင်းဒေသကြီး၊ ကွမ်းခြံကုန်းမြို့နယ်၌ ယာဉ်တိုက်မှု ဖြစ်ပွား၍ အမျိုးသား တစ်ဦးနှင့် အမျိုးသမီး သုံးဦးတို့ ထိခိုက်ဒဏ်ရာရရှိခဲ့ကြောင်း သိရသည်။ 

     ဖြစ်စဉ်မှာ နိုဝင်ဘာ ၁၉ ရက် ည ၁၀ နာရီ ၃၀ မိနစ်တွင် ရန်ကုန်တိုင်းဒေသကြီး၊ ကွမ်းခြံကုန်းမြို့နယ်၊ ကော့မှူး-ကွမ်းခြံကုန်းသွားကားလမ်းပေါ်ရှိ APEX ဆီဆိုင်ရှေ့၌ ယာဉ်တိုက်မှု ဖြစ်ပွားကြောင်း သတင်းအရ အမှတ်(၅၄)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက် စစ်ဆေးခဲ့ရာ အဆိုပါလမ်းအတိုင်း ကွမ်းခြံကုန်းမြို့နယ်၊ ဝန်ထမ်းကွက်သစ်ရပ်ကွက်နေ အောင်အောင်ဦး (၂၂)နှစ် မောင်းနှင်လာသည့် YGN-35/5G-XXXX HYUNDAI KMJHD BUS မော်တော်ယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ တစ်ဘက်ယာဉ်ကြောသို့ ရောက်ရှိကာ မျက်နှာ ချင်းဆိုင်မှ ဦးတင်နိုင်ချို မောင်းနှင်လာသည့် YGN-21/BB-XXXX TOYOTA COROLLA မော်တော်ယာဉ်နှင့် ဦးလှမျိုးအောင် မောင်းနှင်လာသာည့် YGN-26/DD-XXXX TOYOTA COROLLA မော်တော်ယာဉ် တို့အား ဝင်ရောက်တိုက်မိခဲ့သဖြင့် ဦးတင်နိုင်ချို ယာဉ်ပေါ်တွင် လိုက်ပါလာသည့် တောင်ကုန်း ကျေးရွာနေ ဒေါ်ဝါဝါလွင်(၃၇)နှစ်ပါ အမျိုးသား တစ်ဦးနှင့် အမျိုးသမီး နှစ်ဦးတို့တွင် ထိခိုက် ဒဏ်ရာများ အသီးသီးရရှိခဲ့သောကြောင့် အောင်အောင်ဦး အား ကွမ်းခြံကုန်းမြို့မရဲစခန်း ယာဉ်(ပ) ၄/၂၀၂၅၊ ရာဇသတ်ကြီးပုဒ်မ ၃၃၈/ ၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။