ရန်ကုန်တိုင်းဒေသကြီး၊ မရမ်းကုန်းမြို့နယ်၌ YBS မော်တော်ယာဉ်မှ အရှိန်မထိန်းနိုင်ဘဲ ရပ်တန့်ထားသည့် မော်တော်ယာဉ် သုံးစီးအား ဆင့်တိုက်မှုဖြစ်ပွား

ရန်ကုန်တိုင်းဒေသကြီး၊ မရမ်းကုန်းမြို့နယ်၌ YBS မော်တော်ယာဉ်မှ အရှိန်မထိန်းနိုင်ဘဲ ရပ်တန့်ထားသည့် မော်တော်ယာဉ် သုံးစီးအား ဆင့်တိုက်မှုဖြစ်ပွား

    ၂၀၂၆ ခုနှစ်၊ ဇန်နဝါရီ ၆ ရက်က ရန်ကုန်တိုင်းဒေသကြီး၊ မရမ်းကုန်းမြို့နယ်၌ YBS မော်တော်ယာဉ်မှ အရှိန်မထိန်းနိုင်ဘဲ ရပ်တန့်ထားသည့် မော်တော်ယာဉ် သုံးစီးအား ဆင့်တိုက်မှုဖြစ်ပွားခဲ့ကြောင်း သိရသည်။

    ဖြစ်စဉ်မှာ ဇန်နဝါရီ ၆ ရက် မွန်းလွဲ ၂ နာရီ ၁၅ မိနစ်တွင် ရန်ကုန်တိုင်းဒေသကြီး၊ မရမ်းကုန်းမြို့နယ်၊ ကမ္ဘာအေးဘုရားလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၇)ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ လှိုင်သာယာ(အနောက်ပိုင်း)မြို့နယ်၊ အမှတ်(၇)ရပ်ကွက်နေ သူရမောင်(၄၀)နှစ် မောင်းနှင်လာသည့် YGN-34/9N-XXXX DAEWOO YBS-103 ခရီးသည်တင်မော်တော်ယာဉ်သည် ကမ္ဘာအေးဘုရားလမ်းအတိုင်း မောင်းနှင်လာစဉ် အုတ်ပုံဆိပ်လမ်းဆုံမီးပွိုင့်အရောက်၌ အရှိန်မထိန်းနိုင်ဘဲ မီးပွိုင့်မီးနီအား ရပ်တန့်စောင့်ဆိုင်းနေသည့် YGN-13/ 6H-XXXX TOYOTA MARK II မော်တော်ယာဉ်၊ YGN-9/2K-XXXX TOYOTA PROBOX မော်တော်ယာဉ်နှင့် YGN-21/2E-XXXX HONDA FIT မော်တော်ယာဉ်တို့အား အဆင့်ဆင့်တိုက်မိခဲ့သဖြင့် မော်တော်ယာဉ် လေးစီး ထိခိုက်ပျက်စီးဆုံးရှုံးခဲ့သောကြောင့် သူရမောင် အား မရမ်းကုန်းမြို့မရဲစခန်း ယာဉ်(ပ)၁/၂၀၂၆၊ ရာဇသတ်ကြီးပုဒ်မ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။