ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၊ ငွေပင်လယ်စက်မှုဇုန်၊ ငွေပင်လယ်(၂)လမ်း၊ အကွက်အမှတ်(၁၇)တွင်  အထည်ချုပ်စက်ရုံမီးလောင်မှု

ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၊ ငွေပင်လယ်စက်မှုဇုန်၊ ငွေပင်လယ်(၂)လမ်း၊ အကွက်အမှတ်(၁၇)တွင်  အထည်ချုပ်စက်ရုံမီးလောင်မှု

     ၂၀၂၄ ခုနှစ်၊ ဩဂုတ် ၁၈ ရက် နံနက် ၀၀ နာရီ ၄၀ မိနစ်ခန့်က ရန်ကုန်တိုင်းဒေသကြီး၊ လှိုင်သာယာ (အနောက်ပိုင်း)မြို့နယ်၊ ငွေပင်လယ်စက်မှုဇုန်၊ ငွေပင်လယ်(၂)လမ်း၊ အကွက်အမှတ်(၁၇)ရှိ ၁၁၀x၂၂၀ ပေ၊ Steel Structure တစ်ထပ် “Sewell Garment Myanmar Industrial Co.,Ltd” အထည်ချုပ်စက်ရုံ၏ စကားပြန်ရုံးခန်းတွင် Air Con Safe Guard အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ရန်ကုန်တိုင်းဒေသကြီးအတွင်းရှိ မီးသတ်စခန်းများမှ  မီးသတ်တပ်ဖွဲ့ဝင်များသည် မီးသတ်ယာဉ် ၄၉ စီးဖြင့် သွားရောက်မီးငြှိမ်းသတ်ခဲ့ရာ နံနက် ၂ နာရီ ၃၇ မိနစ်တွင် မီးငြိမ်းခဲ့ပါသည်။

     အဆိုပါ မီးလောင်မှုကြောင့် “Sewell Garment Myanmar Industrial Co.,Ltd” အထည်ချုပ်စက်ရုံ ၁၁၀x၂၂၀ ပေ၊ Steel Structure တစ်ထပ် အဆောက်အအုံ တစ်လုံး၊ ပိတ်လိပ် ၁၅၀ လိပ်၊ ချည်လုံး ၂၅ လုံးပါ စက္ကူပုံး ၂၀၀ ပုံး၊ ပိတ်ဖြတ်စက် သုံးလုံး၊ အထည်နှင့် ဆက်စပ်ပစ္စည်းများ မီးလောင်ဆုံးရှုံးခဲ့ကြောင်းနှင့် တာဝန်ရှိသူ ဒေါ်ခင်ခင်ဆွေအား လှိုင်သာယာ(အနောက်ပိုင်း)မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။