ရှမ်းပြည်နယ်၊ ကျိုင်းတုံမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသား ၁ ဦး သေဆုံးကာ အမျိုးသား ၁၄ ဦးနှင့် အမျိုးသမီး ၂ ဦး ထိခိုက်ဒဏ်ရာရရှိ

ရှမ်းပြည်နယ်၊ ကျိုင်းတုံမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသား ၁ ဦး သေဆုံးကာ အမျိုးသား ၁၄ ဦးနှင့် အမျိုးသမီး ၂ ဦး ထိခိုက်ဒဏ်ရာရရှိ

   ၂၀၂၅ ခုနှစ်၊ စက်တင်ဘာ ၂ ရက်က ရှမ်းပြည်နယ်၊ ကျိုင်းတုံမြို့နယ်၌ ယာဉ်တိမ်းမှောက်မှု ဖြစ်ပွား၍ အမျိုးသား ၁ ဦး သေဆုံးကာ အမျိုးသား ၁၄ ဦးနှင့် အမျိုးသမီး ၂ ဦးတို့ ထိခိုက်ဒဏ်ရာ ရရှိခဲ့ကြောင်း သိရသည်။

    ဖြစ်စဉ်မှာ စက်တင်ဘာ ၂ ရက် နံနက် ၇ နာရီ ၅၀ မိနစ်တွင် ရှမ်းပြည်နယ်၊ ကျိုင်းတုံမြို့နယ်၊ ပန်လော့(အထက်ကျေးရွာ)အနီး ကျိုင်းတုံ-တာချီလိတ်ကားလမ်း ပန်ကွဲတောင်ကုန်းအဆင်း၌ ယာဉ်တိမ်းမှောက်မှုဖြစ်ပွားကြောင်း သတင်းအရ ကျိုင်းတုံမြို့မရဲစခန်းမှ တပ်ဖွဲ့ဝင်များက သွားရောက် စစ်ဆေးခဲ့ရာ တာချီလိတ်မြို့မှ ကျိုင်းတုံမြို့ဘက်သို့ “သော်တာဝင်း” ဆောက်လုပ်ရေးကုမ္ပဏီမှ ယာဉ်မောင်းဖြစ်သူ ကျိုင်းတုံမြို့နယ်၊ ပန်ကွဲကျေးရွာနေ ငြိမ်းချမ်းအောင်(၃၄)နှစ် မောင်းနှင်ပြီး အဆိုပါကုမ္ပဏီမှ လမ်းလုပ်သားများ လိုက်ပါလာသည့် 3N-XXXX DONGFENG ခြောက်ဘီး မော်တော်ယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ လမ်းယာဘက်ရှိ ရေမြောင်း အတွင်းသို့ ထိုးကျတိမ်းမှောက်ခဲ့သဖြင့် ယာဉ်ပေါ်တွင် လိုက်ပါလာသည့် လမ်းလုပ်သားများအနက်မှ ပန်ကွဲတောင်ကျေးရွာနေ အောင်မင်းသိန်း(၂၂)နှစ်တွင် ထိခိုက်ဒဏ်ရာများရရှိကာ သေဆုံးခဲ့ပြီး ယာဉ်မောင်း ငြိမ်းချမ်းအောင်ပါ အမျိုးသား ၁၄ ဦးနှင့် အမျိုးသမီး ၂ ဦးတို့တွင် ထိခိုက်ဒဏ်ရာများ အသီးသီးရရှိခဲ့သဖြင့် ငြိမ်းချမ်းအောင် အား ကျိုင်းတုံမြို့မရဲစခန်း ယာဉ်(ပ)၁၅/၂၀၂၅၊ ရာဇသတ်ကြီး ပုဒ်မ ၃၀၄-က/၃၃၈/ ၃၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။