ရှမ်းပြည်နယ်၊ တာချီလိတ်မြို့နယ်၌ ဓားရှည်ကိုင်ဆောင်သူ အမျိုးသား နှစ်ဦးအား ဖမ်းဆီးအရေးယူ

ရှမ်းပြည်နယ်၊ တာချီလိတ်မြို့နယ်၌ ဓားရှည်ကိုင်ဆောင်သူ အမျိုးသား နှစ်ဦးအား ဖမ်းဆီးအရေးယူ

     ၂၀၂၅ ခုနှစ်၊ ဇူလိုင် ၂၉ ရက်က ရှမ်းပြည်နယ်၊ တာချီလိတ်မြို့နယ်၌ ဓားရှည်ကိုင်ဆောင်သူ အမျိုးသား နှစ်ဦးအား ဖမ်းဆီးအရေးယူထားကြောင်း သိရသည်။
     ဖြစ်စဉ်မှာ ဇူလိုင် ၂၉ ရက် နံနက် ၄ နာရီ ၃၀ မိနစ်တွင် ရှမ်းပြည်နယ်၊ တာချီလိတ်မြို့နယ်၊ ဟောင်လိတ်နယ်မြေရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် တာချီလိတ်မြို့၊ ရန်အောင်မြေရပ်ကွက်၊ ပါလျှံ(၁)ဈေးအနီးလမ်းမပေါ်၌ အဆိုပါရပ်ကွက်နေ အောင်ဖြိုး(၂၃)နှစ်အား အရိုး/အသွား ၁၅ လက်မခန့်ရှိ ဓားရှည် တစ်ချောင်းဖြင့် လည်းကောင်း။
     အလားတူ နံနက် ၅ နာရီ ၃၀ မိနစ်တွင် တာချီလိတ်မြို့၊ ပန်ဟတ်ကျေးရွာလမ်းမပေါ်၌ အဆိုပါကျေးရွာနေ စိုင်းလွတ်(၂၄)နှစ်အား အရိုး/အသွား ၁၉ လက်မခန့်ရှိ ဓားရှည် တစ်ချောင်းဖြင့် လည်းကောင်း တွေ့ရှိသိမ်းဆည်းရမိခဲ့သဖြင့် အောင်ဖြိုးနှင့် စိုင်းလွတ်တို့ နှစ်ဦးအား ဟောင်လိတ်နယ်မြေရဲစခန်း၌ လက်နက်ဥပဒေပုဒ်မ ၂၃(က) ဖြင့် အသီးသီးအမှုဖွင့်အရေးယူထားကြောင်း သတင်းရရှိပါသည်။