ရှမ်းပြည်နယ်၊ ပင်းတယမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး တစ်ဦး ထိခိုက်ဒဏ်ရာရရှိ

ရှမ်းပြည်နယ်၊ ပင်းတယမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ ဧပြီ ၁၃ ရက်က ရှမ်းပြည်နယ်၊ ပင်းတယမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။
     ဖြစ်စဉ်မှာ ဧပြီ ၁၃ ရက် မွန်းလွဲ ၃ နာရီတွင် ရှမ်းပြည်နယ်၊ ပင်းတယမြို့နယ်၊ အော်ယော ရပ်ကွက်၊ ပင်းတယ-အောင်ပန်းသွားကားလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ ပင်းတယမြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးရာ အောင်ပန်းမြို့မှ ပင်းတယမြို့ဘက်သို့ ပင်းတယမြို့နယ်၊ ရွာငယ်ရပ်ကွက်နေ ဦးစိုးတင့်(၅၈)နှစ် မောင်းနှင်လာသည့် SHN-19/9F-XXXX HIJET မော်တော်ယာဉ်အား လားရာတူ နောက်မှ ကလောမြို့နယ်၊ အမှတ်(၅)ရပ်ကွက်နေ ရှင်းသန့်နောင် (၁၉)နှစ် မောင်းနှင်ပြီး တစ်ရပ်ကွက်တည်းနေ မရွှန်းလဲ့ဝေ(၁၈)နှစ် လိုက်ပါလာသည့် ၄၅ယ-XXXX LUOJIA 110 ဆိုင်ကယ်မှ အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် ရှင်းသန့်နောင်နှင့် မရွှန်းလဲ့ဝေ တို့တွင် ထိခိုက်ဒဏ်ရာများ ရရှိခဲ့သောကြောင့် ရှင်းသန့်နောင် အား ပင်းတယမြို့မရဲစခန်း ယာဉ်(ပ) ၃/၂၀၂၆၊ ရာဇသတ်ကြီးပုဒ်မ ၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။