ရှမ်းပြည်နယ်၊ လားရှိုးမြို့နယ်၌ နေအိမ်အတွင်းမှ လောင်းကစားရာတွင် အသုံးပြုသည့် ပစ္စည်းများနှင့်အတူ တွေ့ရှိရ၍ အမျိုးသား တစ်ဦးနှင့် အမျိုးသမီး တစ်ဦးတို့အား ဖမ်းဆီးအရေးယူ

ရှမ်းပြည်နယ်၊ လားရှိုးမြို့နယ်၌ နေအိမ်အတွင်းမှ လောင်းကစားရာတွင် အသုံးပြုသည့် ပစ္စည်းများနှင့်အတူ တွေ့ရှိရ၍ အမျိုးသား တစ်ဦးနှင့် အမျိုးသမီး တစ်ဦးတို့အား ဖမ်းဆီးအရေးယူ

     ၂၀၂၅ ခုနှစ်၊ ဒီဇင်ဘာ ၁၃ ရက်က ရှမ်းပြည်နယ်၊ လားရှိုးမြို့နယ်၌ နေအိမ်အတွင်းမှ လောင်းကစားရာတွင် အသုံးပြုသည့် ပစ္စည်းများနှင့်အတူ တွေ့ရှိရ၍ အမျိုးသား တစ်ဦးနှင့် အမျိုးသမီး တစ်ဦးတို့အား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ဒီဇင်ဘာ ၁၃ ရက် နံနက် ၉ နာရီတွင် လားရှိုးမြို့နယ်၊ ရပ်ကွက်(၇)၊ မင်္ဂလာလမ်းနှင့် လမ်းသွယ်(၃၃)ထောင့်နေ တင်ထွန်း(၅၉)နှစ်၏ နေအိမ်အား သတင်းအရ လားရှိုးမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က သက်သေများနှင့်အတူ ဝင်ရောက်ရှာဖွေရာ တင်ထွန်းနှင့် ၎င်း၏ဇနီးဖြစ်သူ မြသိင်္ဂီ(၄၈)နှစ်တို့ နှစ်ဦးအား တွေ့ရှိရပြီး နေအိမ်ခြံဝင်းအတွင်းရှိ အဆောက်အအုံ အတွင်းမှ ငါးပစ်ဂိမ်းခုံ လေးခုံ၊ ဖဲလောင်းကစားသည့်ခုံ နှစ်ခုံ၊ နေအိမ်အိပ်ခန်းအတွင်းရှိ ခရီးဆောင်အိတ် အ တွင်းမှ လေးကောင်ဂျင်သီး လေးခုနှင့် လောင်းကြေးငွေ ၁၀၈ သိန်းကျပ်တို့အား တွေ့ရှိသိမ်းဆည်း ရမိခဲ့သဖြင့် တင်ထွန်းနှင့် မြသိင်္ဂီတို့ နှစ်ဦးအား လားရှိုးမြို့မရဲစခန်း (ပ)၃၀၇/၂၀၂၅၊ လောင်းကစား ဥပဒေပုဒ်မ ၁၇(က) ဖြင့် အမှုဖွင့်အရေးယူထားကြောင်း သတင်းရရှိပါသည်။