ရှမ်းပြည်နယ်၊ ဟိုပုံးမြို့နယ်၌ လိုင်စင်မဲ့ မော်တော်ယာဉ် လေးစီး ဖမ်းဆီးအရေးယူ

ရှမ်းပြည်နယ်၊ ဟိုပုံးမြို့နယ်၌ လိုင်စင်မဲ့ မော်တော်ယာဉ် လေးစီး ဖမ်းဆီးအရေးယူ

     ၂၀၂၅ ခုနှစ်၊ ဒီဇင်ဘာ ၁၀ ရက်က ရှမ်းပြည်နယ်၊ ဟိုပုံးမြို့နယ်၌ လိုင်စင်မဲ့ မော်တော်ယာဉ် လေးစီး ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ဒီဇင်ဘာ ၁၀ ရက် ညနေ ၄ နာရီတွင် ရှမ်းပြည်နယ်၊ ဟိုပုံးမြို့နယ်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဟိုပုံးမြို့နယ်၊ လွိုင်လင်-ဟိုပုံးသွားကားလမ်း မိုင်းပွန် တံတားပူးပေါင်းစစ်ဆေးရေးဂိတ်၌ ယာဉ်စစ်ဆေးခြင်းများ ဆောင်ရွက်နေစဉ် လွိုင်လင်မြို့မှ ဟိုပုံး မြို့ဘက်သို့ ရှမ်းပြည်နယ်၊ တောင်ကြီးမြို့နယ်၊ ညောင်ဖြူစခန်းရပ်ကွက်နေ ခွန်ဇော်မိုး(၄၃)နှစ် မောင်းနှင်လာသည့် MDY-14/3M-XXXX TOYOTA CROWN မော်တော်ယာဉ်၊ ချမ်းမြသာစည်ရပ်ကွက်နေ စိုင်းကောင့်မိန်း(၃၃)နှစ် မောင်းနှင်လာသည့် MDY-18/7J-XXXX HONDA FIT မော်တော်ယာဉ်၊ လင်းခေးမြို့၊ ရွာမကြီးအနောက်ရပ်ကွက်နေ စိုင်းသီဟအောင်(၂၆)နှစ် မောင်းနှင်လာသည့် SHN-18/1J-XXXX HONDA FIT မော်တော်ယာဉ်နှင့် ပဲခူးတိုင်းဒေသကြီး၊ ပြည်မြို့နယ်၊ ပြည်သာယာရပ်ကွက်နေ ဇော်ထွန်း (၆၂)နှစ် မောင်းနှင်လာသည့် SHN-18/7I-XXXX HONDA FIT မော်တော်ယာဉ်တို့အား ရပ်တန့် စစ်ဆေးခဲ့ရာ အဆိုပါမော်တော်ယာဉ်များနှင့်ပတ်သက်သည့် အထောက်အထားတစ်စုံတစ်ရာ ပြသ နိုင်ခြင်းမရှိဘဲ လိုင်စင်မဲ့ မော်တော်ယာဉ်များဖြစ်ကြောင်း စစ်ဆေးတွေ့ရှိရသဖြင့် ခွန်ဇော်မိုး အား ဟိုပုံးမြို့မရဲစခန်း (ပ)၁၂၄/၂၀၂၅၊ စိုင်းကောင့်မိန်း အား ဟိုပုံးမြို့မရဲစခန်း (ပ)၁၂၅/၂၀၂၅၊ စိုင်းသီဟအောင် အား ဟိုပုံးမြို့မရဲစခန်း (ပ)၁၂၆/၂၀၂၅နှင့် ဇော်ထွန်း အား ဟိုပုံးမြို့မရဲစခန်း (ပ)၁၂၇/၂၀၂၅၊ ပို့ကုန်သွင်းကုန်ဥပဒေပုဒ်မ ၈ ဖြင့် အသီးသီးအမှုဖွင့်အရေးယူထားကြောင်း သတင်း ရရှိပါသည်။